| e-texts navigator |
| Wylie |
5a1 དང་ཐུགས་རྗེ་རྒྱུན་མེ་ཆད། ཅེས་གསུངསོ།། དེ་ནས་བྷ་ག་ཝན་གྱིས་ཐིག་ལེ་ཁྱབ་བརྡལ་དུ་མཁའ་འགྲོ་མ་འོད་ཟེར་འཕྲོ་བ་དང་བཅས་ནས་གཤེགས་སོ།། མཁའ་འགྲོ་མ་ཐམས་ཅད་དགའ་འགུ་སྙིང་རང་ངོ་།། རྫོགསོ
5a2 ཐོག་མའི་སངས་རྒྱས་འོད་དཔག་མེད་ལ་ཕྱག་འཚལོ།། རྒྱུད་ཐམས་ཅད་ཀྱི་སྙིང་པོ། ལུང་ཐམས་ཅད་ཀྱི་ཙ་བ་མན་ངག་ཐམས་ཅད་ཀྱི་ཉིང་ཁུ།། གསང་བ་བས་ཀྱང་ཆེ་བས་གསང་བ། ཀུན་ཏུ་བཟང་པོ་མ་འཁྲུལ་པའི་དགོངས་པ།
5a3 གཞི་འདུག་ཚུལ་འཁོར་བ་དོང་སྦུགས་སུ་སྟོན་པ།། རྒྱུད་ཉི་སུ་རྩ་ལྔའི་རྩ་བ། མན་ངག་སུམ་རྒྱ་རྩ་གཉིས་ཀྱི་རྩ་ལ།། ཕྱི་ནང་གསང་བ་གསུམ་གྱི་ཡང་ཞུན།། ཐིག་ལེ་འདུས་པ་སངས་རྒྱས་འོད་དཔག་ཏུ་མེད་པ་དང་།། འོད་བསྲུང་དང་། མར་མེ་མཛད
5a4 གསུམ་གྱི་དགོངས་པ་གཅིག་ཏུ་བསྟན་པ། སངས་རྒྱས་ཐམས་ཅད་ཀྱི་དགོངས་པ་བསྡུས་པ། ཐིག་ལེ་འདུས་པའི་རྒྱུད།། ཅེས་བྱ་བ།། འཁོར་བ་རྒྱ་ཐེག་ཏུ་བསྟན་པའི་ཕྱིར།། སྒྲུབ་པ་མ་ཧཱ་ཡོ་ག་ལ་ངོ་སྤྲད་པ་དང་།། ལུང་ཨ་ནུ་ཡོ་ག་ལ་པོ་སྤྲད་པ
5a5 དང་།། མན་ངག་ཨ་ཏི་ཡོ་ག་ལ་ངོ་སྤྲང་པ་དང་། ཡང་དག་པའི་མན་ངག་ཐིག་ལེ་འདུས་པ་མ་བུ་ལ་ངོ་སྤྲང་པ་དང་། རྩ་དང་རླུང་དང་ཐིག་ལེ་ལ་ངོ་སྤྲད་པ་དང་། རྔའི་ངོ་སྤྲད་པ་དང་། འཁྲུལ་གཞིའི་ངོ་སྤྲད་པ་དང་། གནས་པའི་ངོ་སྤྲང་པ་དང་། ལྡོག་པའི
5a6 པོ་སྤྲང་པ་དང་། ལྡོག་པ་རང་གི་མཚན་ཉིད་གནས་ལུགས་ལ་ངོ་སྤྲང་པ་ངོ་སྤྲད་པའོ།། རྩ་བ་མདོར་བསྡུས་པའི་ལེའུ་སྟེ་དང་པའོ།། ། ཐོག་མ་མེད་པའི་དུས་ཉིད་ན། གནས་མེད་ངོ་བོ་ཉིད་ཀྱི་གནས། སྟོན་པ་ལྷུན་གྲུབ
iiif viewer powered by OpenSeadragon
