| e-texts navigator |
| Wylie |
18b1 སྒོ་གསུམ་སྒོ་གསུམ་སྒོ་སྤྲད་དེ།། དབུགས་རེ་ཧཱུཾ་རེ་དྲན་པར་བྱ།། འཇུག་པའི་དབུགས་ནི་ཨ་རུ་ཐིམ།། ཨ་ནི་སྐྱེ་མེད་ཆོས་ཀྱི་སྐུ།། མཁའ་ཁྱབ་དངས་པ་རབ་ཏུ་བསྟན།། ཡེ་ཤེས་ཁོང་གསལ་དང་དུ་བསྟིམ།། དེ་ལ་གཉེན་པོ་ཞིག་ཏུ་མེད།
18b2 དེ་ནི་ཡང་དག་རྫོགས་པའོ།། འཆི་ཀ་མ་ལས་ཀྱི་རིན་པོ་ཆེ།། རིག་པ་ལུ་གུ་རྒྱུད་ནུ་ཟད་པ།། ཐིག་ལེ་འདུས་པའི་བུ་གཞན་དོན་རྫོག་སོ།། །། ། ཐིག་ལེ་འདུས་པའི་བུ།། ཀུན་ཏུ་བཟང་པོས་སྐུ་གསུམ་བསྲ
18b3 བའི་མན་ངག། ཆོས་ཐམས་ཅད་ཆོས་སྐུ་མཁའ་ཁྱབ་དངས་པར་ལ་ཟླ་བ་ནི། རིག་པ་ཁོང་གསལ་གྱི་སྒོ་ནས།། ཡེ་ཤེས་ཡོན་ཏན་དུ་བསྟན་པ་དང་།། ཡེ་ཤེས་ཡོན་ཏན་གྱི་སྒོ་ནས།། ཐུགས་རྗེའི་རྩལ་སྣང་བར་བསྟན་པའོ།། ཆོས་ཀྱི་སྐུ་ལ་རིག
18b4 པའི་རྩ་ལ་མ་འགག་པས། མེ་ལོང་ལྟ་བུའི་ཡེ་ཤེས།། དེ་ལས་འཕོ་འགྱུར་མེད་པས་མི་འགྱུར་བས།། ཆོས་ཀྱི་སྐུ་ལ་ཐམས་ཅད་མཁྱེན་པའི་ཡིས་དང་ལྡན་པས།། སངས་རྒྱས་ཀྱི་སྤྱན་ཞེས་བྱ་བའི་སྤྱན་ཞེས་བྱའོ།། ཆོས་ཀྱི་སྐུའི་ཤེས་རབ
18b5 མི་གཡོ་བས་མཉམ་པ་ཉིད་ཀྱི་ཡེ་ཤེས།། ཡེ་ཤེས་དེ་ཐུགས་རྗེའི་རླན་དང་མ་བྲལ་བས་ཆུ།། ཐམས་ཅད་ལ་ཐུན་མོངས་ཁྱབ་པས་མཱ་ཧ་ཀི་ཞེས་བྱའོ།། ཆོས་ཀྱི་སྐུ་ཀུན་ལ་ཁྱབ་པས་སོ་སོར་རྟོག་པའི་ཡེ་ཤེས།། ཡེ་ཤེས་དེས་ཐམས་ཅད
18b6 སྐྱོབ་པར་བྱེད་ཅིང་ཐུགས་རྗེ་སྨིན་པར་བྱེད་པ་མེ།། སེམས་ཅན་ཀུན་གྱི་དྲོད་ལ་ཁྱབ་པར་གནས་པས་ན་གོས་དཀར་མོ་ཞེས་བྱའོ།། ཆོས་ཀྱི་སྐུ་ལ་མ་བརྩལ་བར་མཁྱེན་པའི་ཡེ་ཤེས་ལྷུན་གྱིས་གྲུབ་པས།། བྱ་བ་གྲུབ་པའི་ཡེ་ཤེས
iiif viewer powered by OpenSeadragon
