| e-texts navigator |
| Wylie |
15b1 པ་མངོམ་བྱང་སྨྲ།། ཡིད་ཀྱི་སྒོ་ལྔ་གྱོང་སྨྲ།། ཐིག་ལེའི་སྒོ་ངཆོས་སྨྲའོ།། ཐིག་ལེ་གཅིག་ཏུ་ང་སྨད་པས།། ཞོང་ལྔ་པོ་སྤུ་ལྔར་གྲོལ།། ཅེས་གསུངསོ།། ཐིག་ལེ་འདུས་པའི་རྒྱུད་བྱེ་མའི་ཕྱི་མ་ལས། སྲིད་པའི་སྐུང་རང་གྲོལ་ངོ་སྤད་པའི་ལེའུ་སྟེ།
15b2 ལྔ་པའོ།། ། དེ་ནས་ཡང་དག་བཤད་བྱ་བ།། རྩའི་སྣང་བ་བསྟན་པ་ནི། རྩ་ཞེས་བྱ་བ་སྟོང་པའོ།། ཕྲེང་བ་རྣམ་པ་ལྔ་ཡིན་ཏེ།། སྤྱི་གཙུག་བདེ་བ་ཆེན་པོའི་རྩ།། འཁོར་ལོ་ལྟ་བུའི་དབྱིང་སུ་སྲིད།། སུམ་བཅུ་སོ་གཉིས་དག་ཏུ
15b3 བསྐལ།། སྐལ་པར་བྱེད་པ་མ་རིག་རླུང་།། མགྲིན་པ་ལོངས་སྤྱོད་ཆེན་པོའི་རྩ།། རྒྱ་ཐམ་ལྟ་བུའི་དབྱིངསུ་སྲིད།། གྲངས་ནི་དྲུག་བཅུ་དག་ཏུ་སྲིང་།། མ་རིག་རྨོངས་པས་དྲུག་བཅུ་བསྐལ།། སྙིང་ཀ་ཆོས་ཀྱི་འཁོར་ལོའི་རྩ།། རིན་ཆེན་ཟུར
15b4 བརྒྱད་དབྱིངསུ་སྲིད་།། གྲངས་ནི་རྣམ་པ་བརྒྱད་དུ་གྲགས།། ངོ་མ་ཤེས་པས་བརྒྱད་དུ་བསྐལ།། ལྟེ་བ་སྤྲུལ་པའི་འཁོར་ལོའི་རྩ།། པདྨ་ལྟ་བུའི་དབྱིབསུ་སྲིད།། གྲངས་ནི་དྲུག་བཅུ་རྩ་བཞིར་གྲགས།། མ་རིག་ངོ་མ་ཤེས་ཏེ། དྲུག་བཅུ་རེ
15b5 བཞི་བསྐལ།། གསང་བ་ཡེ་ཤེས་འཁོར་ལོའི་རྩ།། དབྱིབས་ནི་རྡོ་རྗེ་པདྨར་སྲིད།། གྲངས་ནི་རྣམ་པ་བཞི་དུ་གྲགས།། ངོ་མ་ཤེས་པས་བཞི་རུ་བསྐལ།། རླུང་གི་ཙ་ནི་སྤྱི་བོའི་གཙུག་ན་གནས།། སའི་རྩ་ནི་མགྲིན་པ་ན།། ཆུའི་རྩི་ནི་སྙིང་ཞན
15b6 ནི་ལྟེ་བ་ན། མའི་རྩ་ནི་གསང་བ་ན།། དེ་ལས་སྤྲོས་པ་བསམ་མི་ཁྱབ།། རླུང་གི་རྩ་ལས་འཁོར་ལོ་ལྟ་བུའི་རྩག། དཔྲལ་བའི་འཛིའུ་རུས་པ་ལ།། གྲངས་ཀྱང་སུམ་བཅུ་རྩ་གཉིས་ཡོད།། ལྷག་ཁུངས་འཐམ་པ་གཡས་གཡོན་ན
iiif viewer powered by OpenSeadragon
