| e-texts navigator |
| Wylie |
14b1 པ་རྣམ་པ་གསུམ་དུ་སྲིད།། ཅེས་གསུང་སོ།། རྩ་བའི་སྣང་བ་སྲིད་པའི་བསྐལ་པ་དང་།། རླུང་གི་སྣང་བ་སྲིད་པའི་བསྐལ་པ་དང་།། ཐིག་ལེ་སྣང་བ་སྲིད་པའི་བསྐལ་པ་དང་། ང་ཡིས་ཁྱོད་ལ་ལུང་བསྟན།། ཅེས་གསུངསོ།། ཐིག་ལེ་འདུས་པའི་རྒྱུང་།།
14b2 ཕྱི་མའི་ཕྱི་མ་ལས། འོད་བསྲུངས་ཀྱི་ལུང་བསྟན་པའི་ལེའུ་སྟེ་དང་པོའོ།། །། དེ་ནས་སྟོན་པ་མར་མེ་མཛད།། ཅེས་བྱ་བ་དེས།། ཞུས་པ་མ་ཡིན་པར་ལུང་བསྟན་པར་འདི་ལྟར་རོ།། ཡེ་ཤེས་ཀྱི་སྣང་བ་ནི་འོད་མའི
14b3 འོང་མི་འགྱུར་བ་སྟེ།། སྣང་བ་ནི་འོང་དུ་སྣང་བའོ།། སྲིད་པའ་ནི་རྟོགས་པ་མངོན་དུ་གྱུར་པ་སྲིད་པའོ།། བསྐལ་པ་ནི་ལྷུན་གྲུབ་འགག་མེད་ཀྱི་བསྐལ་པའོ།། ཅེས་གསུང་སོ།། ཐོག་མའི་སྣང་བ་སྲེད་པ་བསྐལ་པ་ལ་ངོ་སྤྲད་པའོ།། ཅེས་གསུངསོ།།
14b4 ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས།། ཐོག་མའི་སངས་རྒྱས་འོད་མི་འགྱུར་བ་ངོ་སྤད་པའི་ལེའུ་སྟེ་གཉིས་པའོ།། ། དེ་ནས་སྟོན་པ་འོད་བསྲུངས་ཀྱི་སྣང་བ་ནི།། འོད་ལྔ་ལ་སྣང་ལ་རང་བཞི་མེད་པའོ།། ཡིད་ནི
14b5 ཇི་ལྟ་བ་དང་ཇི་རྙེད་པ་མཁྱེན་པ།། ཡིད་ནི་རྣམ་ཤེས་ལྔ་མི་སྣང་ལ་རང་བཞིན་ཡོད་པའོ།། ལུས་ནི་སྣང་ལ་རང་བཞིན་མེད་པའོ།། དེའི་གདངས་ལས་ཡིས་ལྔའི་སྣང་བ།། རིག་སྔའི་སྣང་བ་ཁྱེའུ་ལྔ་ནི།། སྣང་ལ་རང་བཞིན་མེད་པའོ།། ཡུལ་ལྔ་སྣངས
14b6 རང་བཞིན་མེད་པའོ།། ཡུལ་འོད་ལྔ་སྣང་ལ་རང་བཞིན་མེད་པའོ།། ཡིད་བྱུང་གི་ཡེ་ཤེས་སུ་རང་ཤར་པོ།། དེ་ནི་སྟོན་པ་འོད་བསྲུངས་ཉིད་རངས་ཟིན་པ་ལ་ངོ་སྤང་བའོ།། ཅེས་གསུངསོ།། ཐིག་ལེ་འདུས་པ་རྒྱུད་ཕྱི་མ་ཕྱི་མའི་རྒྱུད་ལས
iiif viewer powered by OpenSeadragon
