| e-texts navigator |
| Wylie |
15a1 མི་ནུབ་རྒྱལ་མཚན་གཏེར་གྱི་འབྱུང་གནས་འདི།། ས་དང་ལམ་དུ་བགྲོད་པའི་ཆོས་མིན་ཏེ།། ཤེས་རབ་རྨོངས་པས་འཆི་བདག་བདུད་པས་འཇིགས།། སྐལ་ལྡན་རྣམས་ཀྱི་བཙས་སུ་བཞག་པ་ཡིན།
15a2 གསང་བའི་རྒྱུད་གསུམ་མན་ངག་མ་ཚོལ་བར།། སེམས་སྡེ་བཅཝོ་བརྒྱད་འཆད་པའི་སྟོན་པ་ནི།། རང་གཟོ་རིགས་སྤྲད་བྱས་པས་ལྕེ་ལ་ཞིང་དུ་རྨོ།། གསང་བའི་རྒྱུད་གསུམ་ཤེས་རབ་མ་འཁོར་བར།། བཅཝོ་བརྒྱད་དཀྱུས་དང་དོན་དུ་སྦྱོར་ཤེས་ན
15a3 རིན་ཆེན་གསེར་ལ་གཡུ་ཡི་འཕྲ་བ་ཅུག་འདྲ།། མན་ངག་སྙིང་གི་སྤུ་ཏི་མྱུ་གུ་འདི།། རླུང་དང་སེར་བུས་ཐོསུ་མི་རུང་སྟེ། སངས་རྒྱས་སྤྱན་གྱི་དབྱིངསུ་སྦས་ཏེ་བཞག། རྡོ་རྗེ་སེམས་དཔའི་རྒྱས་གདབ་བོ།། ཐུགས་ཀྱི་དགོངས་པ་ཤེས་རབ་བློ་ལྡན་ལ།
15a4 དང་ལྡན་བརྩོན་འགྲུས་ཆེ་བའི་སྒོམ་པ་ལ།། ཉིད་ནས་ཉིད་དུ་གདམས་ཏེ་རྒྱ་ཡིས་གང་བ།། སེམས་སྨད་བཅཝོ་བརྒྱད་གདམས་ངག་མདོར་བསྡུས་པ། བློ་ལྡན་ཤེས་རབ་ཅན་ལ་བསྟན་པར་བཞག། ཅེས་རྡོ་རྗེ་རྩེ་མོ་འདུས་པའི་རྒྱུད་ལས
15a5 གང་ཟག་ལ་གཏད་པར་བསྟན་པའི་ལེའུ་སྟེ་བཅུ་པའོ།། གསུང་གི་རྒྱུད་རྡོ་རྗེ་རྩེ་མོ་འདུས་པ་ཞེས་བྱ་བ། སློབ་དཔོན་བི་མ་ལ་དང་ལོ་ཙྪ་བ་བཀའ་ལྕོག་གསུམ་གྱིས་སྒྱུར་ཅིང་ཞུས་ཏེ་གཏན་ལ་ཕབ་པ་རྫོགསོ།།
iiif viewer powered by OpenSeadragon
