| e-texts navigator |
| Wylie |
3a1 འོད་ཀྱི་གོང་བུ་ལྟ་བུ་མ་ཡིན་ཏེ་ཡོནྟ་ཐཾད་རང་ལ་གནསོ།། ཐིག་ལེ་ཡིན་ཏེ་རྒྱ་མ་ཆང་ཕྱོགསུ་མ་ལྷུང་ངོ་།། ཡིད་བཞིན་ཡིན་ཏེ་མཚན་མ་རང་ས་ར་གྲོལ་ལོ།། ཞེས་གསུངས་སོ།། རྡོ་རྗེ་སེམས་དཔའ
3a2 ཅན་གྱི་རྒྱུད་ལས། རིན་པོ་ཆེ་འོད་ཀྱི་ཐིག་ལེ་ལ་ངོ་སྤྲད་པས་ཚོགས་དྲུག་ལྷུག་པའི་གདམས་པའི་ལེའུ་སྟེ་གསུམ་པའོ།། ། ཡང་བཀའ་སྩལ་པ། རིག་པ་དབུགས་མེད་ཀྱིས་ཐིག་ལེ་ལ་ངོ་སྤྲད
3a3 པ་བསྟན་པ་ནི།། སྔོན་ཙམ་ན་དྲང་སྲོང་དྲི་མ་མེད་པའི་གྲོང་འཁྱེར་ཤེལ་གྱི་མཆོད་རྟེན་གཅིག་ཡོད་དེ། འོད་ཀྱི་ཕྱོགས་ཐམས་ཅད་ཁྱབ་པ་གཅིག་ཡོད་པ་ལས། དྲང་སྲོང་དེའི་ཡུལ་མིས་འོད་ལ་ལྟ་ལྷ་ནས།། ཤེལ་གྱི་མཚོན་མ་མཐོང་ཟེ།
3a4 ཏེ། མིག་བརྡུལ་ལམ་དེ་ཇི་ལྟར་ཡིན་ཏེ་ངོ་མཚར་ཆེ།། དེ་ནས་རི་རབ་ཏུ་སོང་བ་ན། དྲང་སྲོང་དེའི་ཉེ་གནས་པ་གཅིག་བྱུང་ནས།། མན་དེ་ཡུལ་མི་ཀུན་ལ་བསྟན་པས་དེ་ཕན་ཆད་མནོན་མཐོང་བས་འོད་ཟེར་ཐད་མཚོན་ལ་ཚུར
3a5 འདུས་སོ།། རིག་པ་དབུགས་མེད་ཆེན་པོའི་ཐིག་ལེ་ལ།། རིག་པ་ཆོས་མེན་གྱིས་ཡིས་ལས།། འགྱུ་བ་ཕྱོགས་མེད་དུ་ཤར་བ་ལས།། སྣང་བ་འགག་པ་མེད་པ་ལ་ཡིན་པས་སྒོམ་སྒྲུབ་དགེ་བའི་རྩ་བ་ཅི་བྱས་ཀྱང་ཡུལ་ཡན་པ་ཡིན་ཏེ
3a6 དངོས་ཆོས་ཅན་ལས་མ་འདས་སོ།། རིག་པ་དབུགས་མེད་ཀྱི་ཐིག་ལེ་དེ་སྒོམ་སྒྲུབ་འདུས་བྱས་ཀྱིས་ཆོས་དང་ཚོགས་གཉིས་རྫོགས་པ་ནི་མ་ཡིན་ཏེ།། དུས་ཐད་དུ་ཆོས་ལས་འདས་པའི་སྐུ་ཡིན་ནོ།། འབྱུང་བ་ཆེན་པོ་ལྔས
iiif viewer powered by OpenSeadragon
