| e-texts navigator |
| Wylie |
2b1 མེད་པར་འགྲོ་བ་ལ། སྤྲིན་ནག་པོ་ཆེན་པོ་གཅིག་བྱུང་ན།། ཁྱེའུ་ཆུང་གི་རྐང་པ་བཀག་ཟེར་བ་དེ་ཡ་མཚན་ཆེ།། ཐིག་ཁོང་གསལ་ཆོས་མེན་སྐུ།། རིགས་པ་ཟེར་གྱི་ཐིག་ལེ་ཕྱོགས་བཅུར་འཕྲོ།། ཕྱོགས་རིས་མེད་པར་ཡོངས་ལ།
2b2 ཁྱབ་པ་ལ། མ་རིག་འཁྲུལ་པས་མུན་པ་ཙམ་དུ་བསྒྲིབས།། བདག་བློ་འཁྲུལ་པས་འཁོར་བའི་འདམ་དུ་ཚུད། ཐིག་ལེ་ཆོས་མིན་ཁོང་གསལ་ངོ་མ་ཤེས།། སྒོམ་དང་སྒྲུབ་པ་ཀ་ནས་མ་གྲུབ་ལ།། རྒྱ་ཆང་ཕྱེན་ལྷུང་མེད་པ་བློ་རེ་བདེ།
2b3 ཅེས་གསུང་སོ།། རྡོ་རྗེ་སེམས་དཔའ་སྤྱན་གྱི་རྒྱུད་ལས། ཐིག་ལེ་ཁོང་ནས་གསལ་བ་དང་མ་རིག་པའི་ཟེར་དུ་ངོ་སྤྲད་པའི་ལེའུ་སྟེ་གཉིས་པའོ།། ། ཡང་བཀའ་སྩལ་པ། འདོད་པའི་རྒྱལ་པོ་བུ་དྲུག
2b4 ཕ་མ་གཉིས།། རྒྱ་མཚོའི་གླིང་ན་ནོར་བུ་རིན་པོ་ཆེ་འོད་འབར་བའི་གསེབ་ན་རྟ་གཅིག་མཚོ་ཡིན་ཡོད་པ་ལ། རྟ་དེ་ཕ་སྤད་ཀྱིས་མ་ཐུག་པས།། ཕྱིའི་ལྷ་མོ་ལྔའི་གམ་དུ་ཤོར་བས།། ཕྱིའི་ལྷ་མོས་ཀྱང་མཐུབ།། དེར་རྟ་ཚོམས་ཀྱིས
2b5 འཚེམས་པས།། ཁྱེའུ་ལོ་གཅིག་ལས་མ་ལོན་པ་གཅིག་གིས་རྟ་དེ་ཐུབ་ནས་ནོར་བུ་སོང་བ་དེ་ཡ་མཚན་ཆེའོ།། རིན་པོ་ཆེ་འོད་འབར་བའི་ཐིག་ལེ་ངོ་སྦྲང་ན་ཚོགས་དྲུག་ལྷུག་པའི་གདམས་པ་ཆང་ངོ་།། ཚོགས་དྲུག་རོལ་པའི་གདམས་པ
2b6 ཆད་ནས།། ཞི་བའི་ཆོས་ཀྱི་སྐུའི་ངང་ལ་བསྒོམ་པའི་ཉན་ཐོས་འགོག་པ་དང་ཁྱད་མེད་དོ།། རིན་པོ་ཆེ་འོད་ཀྱི་ཐིག་ལ་ཆོས་མེན་ཀྱི་སྐུའི་ཡས་ལ།། སྒོམ་སྒྲུབ་ཀ་ནས་མ་སྒྲུབ་པའོ།། རིན་པོ་ཆེ་ཡིན་པས་ཐཾད་རང་ལ་ལྷུན་གྱི་གྲུབ་བོ།།
iiif viewer powered by OpenSeadragon
