| e-texts navigator |
| Wylie |
3a1 པོ་ཡང་དག་པར་རྫོགས་པའི་སངས་རྒྱས་ཀྱི་ངོ་བོ་དང་། རང་བཞིན་ནི་དཔག་པའི་མཐའ་ལས་འདས་ན། ཐུགས་རྗེ་སྤྲུལ་པའི་སྐུ་འོད་ཟེར་དུ་སྣང་བའི་ཚུལ་དུ་བདེ་ན། འོན་ཏེ་སྣང་ཚུལ་དཔག་པ་ལས་འདས། དཔག་པ་ལས་འདྲ
3a2 མཐུགས་རྗེའི་ཚུལ་དུ་བྱུང་བ་འགག་གི་མི་འགག། དེ་བདག་གིས་མ་ཤེས་མ་འཚལ་ཏོ།། ཇི་ལྟར་ལགས་བཅོམ་ལྡན་འདས་ཀྱི་བསྟན་དུ་གསོལ། ཅེས་དྲི་བ་དྲིས་སོ།། དེ་ནས་ཡང་བཅོམ་ལྡན་འདས་མཉམ་པའི་ཏིང་ངེ་འཛིམ་ལས་གནས
3a3 ཞལ་འཛུམ་པ་མཛད་ནས་བྲི་ཀུ་ཏ་གྱེན་དུ་འགྲེང་སྟེ། ལྗགས་ཀྱི་པདྨོ་ལས་འོད་ཟེར་ལྔ་སྤྲོས་ནས། བྱང་ཆུབ་སེམས་དཔའ་ཁྱོད་ཉོན་གཅིག། སྔོན་བྱུང་གི་དུས་ན། ང་མ་འོངས་པའི་སྔོན་རོལ་ན་ཐོག་མའི་སངས་རྒྱས་འོད་མི་འགྱུར། རང་བྱུང
3a4 གི་གཞལ་ཡས་ཁང་ཆེན་པོ་དང་འདུ་འབྲལ་མེད་པར་བཞུགས་པ། སྙིང་པོ་བྱང་ཆུབ་ན་བཞུགས་པའི་སྐུ། འོད་ཟེར་གྱི་ཕུང་པོར་གཞི་ནས་གནས་ཏེ། འགག་པ་མེད་ཀྱང་། འོད་ཟེར་གྱི་ཕུང་པོ་དེ་ཉིད་རྟག་པ་ཡང་མ་ཡིན། མི་རྟག་པ་ཡང་མ
3a5 ཡིན། ཅི་སྟེ་འོད་ཉིད་ཆོས་ཀྱི་སྐུ་ལས་འབྱུང་བའི་ཕྱིར། ཆོས་སྐུ་དེ་ཉིད་ཡང་དག་པར་ཡོད་པ་ཡང་མ་ཡིན། མེད་པ་ཡང་མ་ཡིན་ནོ།། དེ་བཞིན་དུ་འོད་ཟེར་གྱི་ཕུང་པོ་དེ་སྣང་བར་ཡང་མ་ཡིན་མི་སྣང་བ་ཡང་མ་ཡིན་ཏེ། སྣང་བ་དང་མི་སྣང་བའི
3a6 འཐའ་ལས་འདས་པའོ།། དེ་ཅིའི་ཕྱིར་ཞེ་ན། འོད་ཟེར་དེ་ལ་རང་བཞིན་མེད་པས་ན་མཁའི་མཐའ་དང་མཉམ་ལ། འོད་དེ་མ་འདྲེས་ལ་ཡོངས་སུ་རྫོགས་པར་གནས་པས། དཔེར་ན་ནམ་མཁའ་དང་རི་མོའི་ཚུལ་དུ་གནསོ།། དེའི་ཕྱིར་བྱང་ཆུབ་ཉིད་སྙིང
iiif viewer powered by OpenSeadragon
