| e-texts navigator |
| Wylie |
2b1 སྐད་ཅེས་བཀའ་སྩལ་ཏོ།། ཀྱེ་མ་མ་ནོར་མ་བཅོས་དོན་ཆེན་ལ།། རང་བྱུང་ཡེ་ཤེས་རིག་པར་ཤར།། རྣམ་པར་མི་རྟོག་རྟོག་ལས་འདས།། དེ་བཞིན་ཉིད་ལས་བཅོས་སུ་མེད།། འོན་ཀྱང་རྒྱལ་བའི་དགོངས་པའི་དོན།།
2b2 ཀུན་བཟངས་དབྱིངས་ཀྱི་དོན་ཆེན་ནས།། རང་བྱུང་རིག་པའི་རྩལ་ཤར་བས།། འདི་དོན་རྩ་བ་དག་གིས་གཟུང་།། རྟོགས་དཀའ་རྡོ་རྗེའི་རྩ་བ་ལ།། རིག་པ་རྩལ་དང་གབ་མངོན་ཕྱུང་།། ཐལ་ཕྱུང་ཅོག་བཞག་ཐུག
2b3 ཕྲད་དང་།། ཚོལ་བ་རྗེས་མེད་དམིགས་རྗེས་མེད།། གཏོང་ཕུར་དག་གིས་མན་ངག་གིས།། གཅོད་བྱེད་དོན་གྱི་འཁོར་ལོ་བསྐོར།། གདམས་ངག་སྡོང་ཆེན་བརྒྱད་པོ་ལ།། ཡལ་ག་ལོ་མདབ་དུ་མར་སྨིན།།
2b4 དཔེར་ན་འཛམ་བུ་སྲིག་ཤ་བཞིན།། འབྲས་བུ་དགོས་པ་དུ་མ་འབྱུང་།། དེ་བཞིན་མན་ངག་རེ་རེ་ཡིས།། འགྲོ་བའི་རང་རྒྱུད་གྲོལ་བའི་ལམ།། དཔེར་མེ་གསེར་འགྱུར་རྩི་བཞིན་དུ།། དུག་ལྔ་ཡེ་ཤེས་ཆེན་པོར
2b5 འགྱུར།། སྡུག་བསྔལ་བདེ་བའི་ཀློང་དུ་འགྱུར།། དེ་འགྱུར་དེ་གསལ་བདག་གིས་ནི།། མན་ངག་སྐད་ཀྱི་བཤད་པའི་དོན།། ཀློང་དགུ་བམ་པོ་ཉི་ཁྲི་ནས།། གདམས་དགྲ་བརྒྱ་དང་བརྒྱད་བཅུ་གཉིས།། མི་ནུབ
2b6 རྒྱལ་མཚན་དོན་བཀྲོལ་ནས།། གསང་བའི་དོན་གཅོད་འཁོར་ལོ་བསྐོར།། རེ་རེས་འགྲོ་བའི་རང་རྒྱུད་འགྲོལ།། རིག་པའི་མཛོད་འཛིན་ཁུ་བྱུག་ལ།། ཀློང་དགུ་བམ་པོ་ཉི་ཁྲི་ནས།། ཟབ་མོའི་གདམས་ངག་བཅུ
iiif viewer powered by OpenSeadragon
