| e-texts navigator |
| Wylie |
2a1 སྤྲུལ་པའི་སྐྱེས་བུ་ལགས།། འཁྲུལ་པའི་འཁོར་བའི་སེམས་ཅན་རྣམས།། རྒྱུ་རྐྱེན་དངོས་པོ་ཅི་ལས་འཁྲུལ།། སྤྲུལ་པ་སྣང་བའི་སྐྱེ་མཆེད་ཀྱིས།། ཆོ་འཕྲུལ་བསྟན་པ་ཇི་ལྟར་ལགས།།
2a2 འདི་འདྲའི་ཆོ་འཕྲུལ་ངོ་མཚར་ཆེ།། དཔྱང་ཟག་ཆད་པའི་འགྲོ་བ་ལ།། ཟབ་མོའི་དོན་ཆེན་བཤད་དུ་གསོལ།། ཞེས་ཞུས་པས། དགའ་རབ་རྡོ་རྗེས་འཇམ་དཔལ་གཤེས་གཉེན་གྱིས་ཚིག་གསན་པར་གྱུར་ནས།། འཇམ
2a3 པལ་བཤེས་གཉེན་ལ་འདི་སྐད་ཅེས་བཀའ་སྩལ་ཏོ།། ཨེ་མ་རྒྱུ་རྐྱེན་ལས་ལས་མ་བྱུང་པའི།། ཤེས་པ་ཆོས་སྐར་གས་ལ་བ་ལ།། ཡེངས་པའི་ཚུལ་གྱི་འཁོར་བར་འཁྱམས།། དེ་ལ་སྟོན་པ་རྣམ་གསུམ་གྱིས།
2a4 ལམ་ལ་སོ་སོར་བགྲོད་པ་ཡིས།། བསྟི་གནས་བཏགས་པའི་སངས་རྒྱས་ཐོབ།། ཞེན་པ་གཉིས་པོ་རང་གྲོལ་ཕྱིར།། མན་ངག་འདུས་པའི་འཁོར་ལོ་བཤད།། ཅེས་གསུངས་པས།། འཁོར་ཐམས་ཅད་རྟོག་པའི
2a5 བསམ་པ་དང་འདུན་པ་འབང་པོ་དུས་ཅིག་ཏུ་སྐྱེས་པར་གྱུར་ནས།། སྐྱེས་བུ་ཆེན་པོས་བཤད་དུ་གསོལ་ཞེས་ཞུས་སོ།། གདམས་ངག་སྣ་ཚོགས་འཁོར་ལོའི་རྒྱུད་ལས། གླེང་གཞི་ཞུས་པ་དང་བཅས་པའི་ལེའུ་སྟེ།
2a6 དང་པོའོ།། ། དེ་ནས་སྟོན་པ་དགའ་རབ་རྡོ་རྗེ་ཞེས་བྱ་བ་དེ་ཡིས།། འཇམ་དཔལ་བཤེས་གཉེན་ལ་སོགས་པའི་མཁས་པ་ཉི་ཤུ་རྩ་གཅིག་ལ།། ཨུ་རྒྱན་གྱི་སྐད་དམ་བ་དྷ་ཡི་བརྒྱུད་དེ།
iiif viewer powered by OpenSeadragon
