| e-texts navigator |
| Wylie |
3a1 འབྲས་བུའི་དུས་ན་མཚན་མགོལ།། རང་གྲོལ་མ་ཤེས་སྣང་བས་བསྒྲིབས།། མི་ཤེས་མོངས་པས་འདས་དུ་བྱིང་།། འཁོར་བའི་ཆུ་བོས་རྟག་ཏུ་གཡེངས།། ཆུ་བོའི་གཞི་ནི་རྟག་ཏུ་འབབ།། དྲུག་སོགས་སྔོན་པོར་གྲུབ་པ་མི
3a2 རང་རང་ལྷུན་གྱི་མཚན་ཉིད་འཛིན།། ཞེན་པ་བློ་ཡིས་འཁྲུལ་པ་ལྟས།། ཉམས་ཀྱི་སྣང་བས་ལུས་སུ་བཟུང་།། ལུས་ཀྱི་མིང་ནི་འགྲོ་དྲུག་ལུས།། གནས་ཀྱི་མིང་ནི་འཁོར་བའི་གནས།། དུར་ཁྲོད་མིང་ནི་མུ་ཁའི་དུར།། གཉིས་མེད་པ་ལ་གཉིས
3a3 འཛིམ་པས།། བསྒོམ་ཆེན་གྲོང་ལ་ཡན་དུ་རྟགས།། ཁ་དྲག་ལམ་དུ་ཚོགས་པའི་ཚེ།། ཡེ་ཤེས་གསང་ལམ་མ་ཤེས་པས།། དེ་ཚེམ་རྟོགས་མ་རིགས་རྨོངས་པ་ཡིས།། འཁོར་བ་རྣམ་པར་རྟོགས་ལས་བྱུང་།། རྣམ་རྟོག་མེད་མ་སངས
3a4 རྒྱས་མིང་ཡང་མེད།། འགྲོ་དྲུག་མེད་ན་སྐུ་དྲུག་མིང་ཡང་མེད།། དུག་དྲུག་མེད་ན་ཡིས་ཆེན་པོ་དྲུག། ཡེ་ཤེས་བྱ་བའི་མིང་ཡང་མི་ཐོག་སོ།། ཕུང་པོ་ལྔ་པོའི་སྣང་བ་དག། མེད་ན་རིག་ལྔའི་མིང་ཡང་མ་གྲུབ།། འབྱུང་བ་ལྔ་པོ་མེད་པ་ན།
3a5 ཡུམ་ཆེན་ལྔ་པོ་ག་ལ་གྲུབ།། བཅིངས་པ་མེ་ན་རྒྱ་ཆང་ཡིན།། ཕྱོགས་མེད་རྟོགས་ན་རང་གྲོལ་ཡིན།། ཚོགས་བརྒྱད་ཚོགས་དྲུག་མེད་པ་ན།། སེམས་དཔའ་སེམས་མ་ཐུབ་པ་དྲུག། སྒོ་བསྒོམར་གྲུབ་པ་ཅི་ལ་རུང་།། དེ་ལ་རང་རྒྱུད་མའི
3a6 འཁྲུལ་པ་ཡིན།། འགྲོ་དྲུག་རང་སོའི་མཚན་ཉིད་དབུས་གནས་སོ།། ལྔ་སྔས་བསྐོར་བས་འཁྲུལ་འཁོར་ཞེས་སུ་བཤད།། ཅེས་གསུང་སོ།། ཐིག་ལེ་ཟང་ཐལ་གྱི་རྒྱུད་ལས། འགྲོ་དྲུག་རངས་ངོ་སྤྲད་པའི་ལེའུ་སྟེ། གསུམ་པའོ།།
iiif viewer powered by OpenSeadragon
