| e-texts navigator |
| Wylie |
2b1 རྩ་ལ་ཤུགས་མ་ནིང་རླུང་འགྱུ་སྟེ།། རིག་པའི་ཤེས་པ་ཕྲ་བ་ལ།། རང་སྣང་སྟོང་པའི་སྣང་བ་ལྟས།། ཡིད་ལ་འགྱུས་པའི་རང་སྣང་གསལ།། ཁ་དོག་སྣ་ཚོགས་རང་གསལ་འབར།། འབར་བའི་ཀློང་ན་ཕྱི་ནང་སྣང་བྱེད་གསལ།། འོད་ལ་རིག་པའི།
2b2 ཡེ་ཤེས་རང་ཤར་ནས།། ཐེག་ལེ་ཡེ་ཤེས་ཟང་ཐལ་ཆེན་པོར་ཤར།། རང་ཤར་ཡིན་པས་ཆོས་ལས་འདས་པའི་སྐུ།། ཕྱི་ནང་མེད་པའི་ཡེ་ཤེས་ཟང་ཐལ་ལ།། རྒྱུ་རྐྱེན་གཉེན་པོ་རང་སར་གྲོལ་བས་ན།། ཁམས་གསུམ་ཀུན་གྱི་གཉེན
2b3 གཅིག་པོ།། ཕྱི་ནང་མེད་པའི་དུ་ཁྲོད་དུ།། ཀུན་ཏུ་བཟང་པོ་དུར་དུ་ཞུགས།། དུར་གྱི་མིང་ནི་ཡངས་པ་ཅན།། ཁྲོད་ཀྱི་མིང་ནི་པདྨ་ཅན།། ཤིང་གི་མིང་ནི་ལྗོན་པ་སྟེ།། མཁའ་འགྲོའི་མིང་ནི་རྡོ་རྗེ་འཚོ།། མཆོད་རྟེན་མིང་ནི་རྡོ་རྗེ་བརྩེགས།
2b4 རིའི་མིང་ནི་སི་རའི་རོ།། བསྒོམ་ཆེན་མིང་ནི་ནོར་བུའི་འོད།། ནོར་གྱི་མིང་ནི་རིན་པོ་ཆེ།། ཕྱི་ནང་མེད་པའི་དུར་ཁྲོད་ཡིན།། ཅེས་གསུངསོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས།། སངས་རྒྱས་དུར་དུ་བཞུགས་པའི་ལེའུ་སྟེ། གཉིས་པའོ།།
2b5 དེནས་བཅོམ་ལྡན་འདས་ཀྱིས་ནི། ཐུགས་རྗེ་ཆེན་པོའི་ཀློང་ཡངས་ན་སེམས་དཔའ་ཆེ་ལ་བཀའ་སྩལ་པ། མིང་མ་ཐོགས་ཀྱི་སྤྱི་བྱིངས་ནས།། སེམས་ཅན་འཁྲུལ་པའི་མཚན་ཉིད་ནི།། སྣ་ཚོགས་རང་སྣང་ཁ་དོག་ལས།། མཐིང་ལ
2b6 དཀར་པོ་སེར་ལེབ་བརྒན།། ཡེ་ཤེས་ཆེ་བའི་རྩ་ལ་སྣང་བས། དུ་མ་ཡུལ་དང་འཁྲུལ་པས་ན།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཁོང་ཁྲོ་ཁྲག་དོག་དང་།། གཞིའི་དུས་ན་མཚན་ཉིད་འཛིན།། ལམ་གྱི་དུས་ན་དངོསུ་ཤར
iiif viewer powered by OpenSeadragon
