| e-texts navigator |
| Wylie |
12b1 དགྲ་རུ་བརྗོད་པ་ཉམས།། ཡེ་ཤེས་ཟང་ཐལ་ཕྱི་ནང་མེད་པའི་མཁའ།། གཞན་སྣང་མེད་པས་སྒྲིབ་པའི་མིང་ཡང་མེད།། ལྕེ་སྤྱང་མིག་ཅན་རླུང་ལས་གྲུབ་པའི་སྐུ།། ཉི་ཟླའི་འོད་ཙམ་བྱིན་བརླབས་འགག་མེད་སྐུ།། སེང་གེའི་རྩལ།
12b2 ཅན་མཚན་མ་ཟིལ་གྱི་གནོན།། རྩལ་གསུམ་ལུས་ལ་རྫོགས་པས་སྐུ་གསུམ་འདུ་འབྲལ་མེད།། ཐོགས་མེད་དཔའ་བ་རྟག་མོ་ཚང་མ་ལྟར།། དཔའ་བརྡུལ་ཡེ་ཤེས་ཐོགས་མེད་གཅད་པ་ཅེས།། དངོས་མེད་གཡོ་བ་ལས་ཀྱི
12b3 རླུང་དང་འདྲ།། འཇིག་རྟེན་ཆགས་འཇིག་རླུང་གིས་རྩལ་ལས་ཤར།། འཁོར་བ་མྱ་ངན་རྟོག་པ་རླུང་གི་གདམས།། སྐྱེ་འཆིའི་རྒྱུན་གྱིས་རླུང་གིས་རྟག་ཏུ་འདེབས།། དབུགས་དང་བྲལ་བས་གཉིས་མེད་ཟང་ཐལ་འཆར།།
12b4 ཡར་ལྡན་ཡོན་ཏན་མར་ལྡན་སྐྱོན་དུ་འཆར།། གཉིས་མེད་ཟང་ཐལ་གྱི་ནང་ཐིག་ལེར་བརྡལ།། ཡེ་ཤེས་ཟང་ཐལ་འུབ་ཆུབ་འདུ་འབྲལ་མེད།། ཅེས་གསུངས་སོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས།། གནས་ལུཊ
12b5 ལ་ངོ་སྤྲད་པའི་ལེའུ་སྟེ་ཉི་ཤུ་པའོ།། ། ཡང་བཅོམ་ལྡན་འདས་བདེ་བ་ཅན་གྱི་གནས།། རིན་པོ་ཆེ་པདྨའི་གདན་ལས་གཞེངས་ནས།། རྡོ་རྗེ་སེམས་དཔའ་ལ་བཀའ་སྩལ་པ། ཀྲཱྀ་ཀྵེ་ཧོ།།
12b6 ངས་བཤད་པའི་རྒྱུད་ཆེན་པོ་འདི།། ཡེ་ཤེས་ཐིག་ལེ་འདུ་འབྲལ་མེད།། ཟང་ཐལ་ཡིན་པས་ཆོས་མེན་སྐུ།། ཕྱི་ནང་མེད་པས་ཐིག་ལེའི་རྒྱུད་དུ་བཟུང་།། ཡེ་ཤེས་ཟང་ཐལ་རབ་ལ་ཤར།། ཡེ་ཤེས་རབ་ཤར་རྒྱུདར
iiif viewer powered by OpenSeadragon
