| e-texts navigator |
| Wylie |
10a1 ཉི་མའི་འོད་ཀྱི་སྣང་བ་དེ།། ཉི་མ་ཕྱེད་ཀྱི་དུས་དག་ན།། རང་རང་མཐོང་ཀྱིས་དབྱིངས་སུ་གྲུབ།། བསམ་པ་མི་འདྲ་སྣ་ཚོགས་ཤར།། ཉོན་མོངས་བརྒྱད་ཁྲི་བཞི་སྟོང་སྨིན།། རྩ་བ་དུག་ལྔ་དག་ལ་འདུས།། དེ་ཡང
10a2 གསུམ་དུ་འདུས་གསུམ་པོ་གཅིག། གཅིག་པོ་མ་རིག་དེ་ཉིད་ཅི་ལས་གྲུབ།། རྩེ་གཅད་རྩེ་བཅད་སྐེད་གཅོད་ཀྱི།། ཐོག་མ་བར་དང་མཐར་གཅོད་པའི།། ཡེ་ཤེས་ངོ་བཟུང་ངོ་སྦྱོང་སྟོན།། གཅིག་པོ་མཚན་མ་རང་སར་གྲོལ།། གཉིས
10a3 མེད་ཟླད་ཐལ་སྐུ།། ཕྱོགས་ལྷུང་མེད་པའི་ཡེ་ཤེས་ཤར།། རྒྱ་མ་ཆད་ཀྱི་ཆོས་བསྐུར་གསལ།། ལྷུན་གྱི་གྲུབ་པས་རང་སར་གྲོལ།། རང་སྣང་དག་ལས་མེད་ཙམ་ན།། རིག་པ་ཡུལ་མེད་ཅེས་ཀྱང་བྱ།། ཆོས་ལ་བདག་མེད་ཅེས
10a4 ཀྱང་བྱ།། སངས་རྒྱས་ཡུལ་མེད་ཅེས་ཀྱང་བྱ།། གཟིགས་སྣང་མཐའ་ལས་གྲོལ་ཡིན།། ཅེས་གསུང་སོ།། ཡེ་ཤེས་ཐིག་ལེ་འཁོར་ལོ་ཁོང་འབར་གྱི་རྒྱུད་ལས་ལེའུ་སྐབས་ཏེ་བཅུ་དྲུག་པའོ།།
10a5 སརྦ་མ་ལ་ད་དྷུ་ཨ་སིང་ཤ་ཥཱ་ཙ་ལ་ཨཱ། དེ་ནས་ཡང་བཅོམ་ལྡན་འདས་ཀྱིས།། བདེ་ཆེན་རང་འབར་གྱི་ཏིང་ངེ་འཛིན་ལས་བཞེངས་ནས།། རྡོ་རྗེ་སེམས་དཔའ་ལ་བཀའ་སྩལ་པ། བྷྲཱུཾ། སེམས་དཔའ་ཆེན་པོ་ཉོན་ཅིག
10a6 སྐུ་གསུམ་དབྱེར་མེད་བསྟན་པ་ནི།། རྒྱ་མཚོ་དང་པའི་དུས་ཉིད་ན།། ངར་དང་རླབས་དང་སྦུ་བ་དང་།། ཆབ་རོམ་སྣ་ཚོགས་ཅིར་སྣང་ཀྱང་།། ཆུ་བོ་དག་ལས་འདས་པ་འམ།། རྒྱ་ཆང་ཕྱོགས་སུ་ལྷུང་བ་ནི།། ཕྲ་རབ་བསྐུལ་ཙམ
iiif viewer powered by OpenSeadragon
