| e-texts navigator |
| Wylie |
5b1 འདྲེ།། ཉོན་མོངས་པ་གཏི་མུག་གི་འདྲེ།། དྲི་ཞིམ་པ་དང་མི་ཞིམ་པ་ང་རྒྱལ་ཡིད་ལ་བྱེད་པའི་བདུད། ང་རྒྱལ་གྱི་འདྲེ།། རོ་ཞིམ་པ་དང་མི་ཞིམ་པ་འདོད་ཆགས་ལྷའི་བུའི་བདུད། ཆགས་པའི་འདྲེ། ལུས་རེག་བྱ་འཇམ་པ་དང
5b2 རྩུབ་པ་དང་། ཕྲག་དོག་དང་། ཁོང་ཁྲོའི་བདུད། སྲོག་གཅོད་པའི་བདུད། འདྲི་ལྔ་ཕྱི་ནང་དུ་བསྟན་པའི་རིག་པ་ངོས་བཟུང་དུ་བསྟན་པའོ།། ཕྱིའི་ལམ་ལྔ་འོད་ལྔ། ནང་གི་ལམ་ལྔ་སྒོམ་ལྔ། རྣམ་ཤེས་ལྔའོ།། ཕྱིའི་ཕུང་པོ་ལྔ་ནི
5b3 འབྱུང་བ་ལྔ། ནང་གི་ཕུང་པོ་ལྔ་ནི་གཟུགས་ལ་སོགས་པའོ།། ཕྱིའི་གཞལ་ཡས་ཁང་ནི་ཕྱིའི་འབྱུང་བ་ལྔ།། ནང་གི་གཞལ་ཡས་ཁང་ནི་འོག་མིན་གནས། ཅེས་གསུང་སོ།། གསང་བ་ཡང་གཏེར་གྱི་རྒྱུད་ལས། ཕྱི་ནང་སྣོ
5b4 བཅུད་དུ་འཁྲུལ་པའི་ལེའུ་སྟེ་དྲུག་པའོ།། །། དེ་ནས་ཡང་འོད་ཟེར་རབ་ཏུ་འཕྲོ་བས།། འབྱུང་བ་ལྔ་ལ་ནི་རིག་པར་མི་སྣང་ཡང་མདངས་དང་། མེ་ཏོག་འབྱུང་བ་ལ། སེམས་སུ་མི་སྣང་བ་ཇི
5b5 ལྟ་བུ་ལགས།། ཕུང་པོ་ཡང་གདོས་པར་སྣང་བ་ལྔ།། གངོས་པའི་སྒོ་ནས་ཉམ་ན་ཁྱད་ཆེ་བས། འདི་ནི་ཇི་ལྟར་ལགས།། ཅེས་ཞུས་པས་ཡང་བཀའ་སྩལ་པ། ཐོག་མ་ལྷུན་གྱི་གྲུབ་པ་དབྱེ་བ་མེད་པ་ལ།
5b6 རླུང་རྣམ་པ་ལྔ་ལྷུན་གྱི་གྲུབ་སྟེ། དཔེར་ན་ནོར་བུ་རིན་པོ་ཆེ་དང་འདྲ་སྟེ། ཐམས་ཅད་འབྱུང་བའི་གཞིམ་སྟེ། རླུང་རྣམ་པ་ལྔ་ནི། སྐྱེད་པར་བྱེད་པའི་རླུང་དང་། གཡོ་བར་བྱེད་པའི་རླུང་དང་། སྨིན་པར་བྱེད་པའི་རླུང་དང་། འགག་པ་ཡེ
iiif viewer powered by OpenSeadragon
