| e-texts navigator |
| Wylie |
4a1 ཁ་དོག་མ་མཐོང་བས།། དེ་ལ་ཞེ་སྡང་རབ་ཏུ་འཁྲུལ།། དེས་ན་ཞེས་སྡང་རབ་ཏུ་འཁྲུལ།། གཉིས་སུ་མེད་པར་མ་ཤེས་པས།། དེས་ན་གཏི་མུག་ཞེས་སུ་འཁྲུལ།། དེ་ང་དང་ང་ཡི་མཉམ་པའི
4a2 ཡུལ་དུ་བཟུང་།། དེས་ན་ང་རྒྱལ་ཞེས་སུ་འཁྲུལ།། ང་རྒྱལ་ཆ་ལས་ཁོང་ཁྲོ་བྱུང་།། འགྱུ་བ་ཆ་ནི་ཕྲ་མོ་དེ།། གཞི་ལ་ཐིམ་ནས་འོད་མི་སྣང་།། དེ་ནས་འོད་མཐོང་ཕྲག་དོག་དག་ཏུ་འཁྲུལ།། རྣོ་བོའི་སྒོ་ལས་ཕོ་རུ་བཟུང་སྟེ་ཞེ་སྡང་སྐྱེས
4a3 མངལ་དུ་འདྲིམས་པས་ཕོ་རུ་འཁྲུལ།། རྟུལ་པོའི་སྒོ་ལས་མོ་རུ་བཟུང་སྟེ་འདོད་ཆགས་སྐྱེས།། མ་ནིང་སྒོ་ལས་གཉིས་ཀར་གཟུང་།། མངལ་དུ་འགྲིམས་པས་མ་ནིང་འཁྲུལ།། ཕོ་ཨོ་མ་ནིང་དེ་ནསཿའཁྲུལ།། ཆགས་པ
4a4 སྐྱེས་ནས་ཡི་དགས་དང་།། ཞེ་སྡང་སྐྱེས་པས་དམྱལ་བ་དང་། གཏི་མུག་སྐྱེས་པས་བྱོལ་སོང་དང་།། ཁོང་ཁྲོ་ཕྲག་དོག་ལྷ་མིན་ལྷ།། དུག་ལྔ་འཁྲུལ་པས་འགྲོ་དྲུག་འཁྲུལ།། འདོད་ཆགས་ཞེ་སྡང་གཏི་མུག་སོགས།།
4a5 སྒོ་ལྔ་དག་ལས་འབྱུང་བར་འགྱུར།། ཅེས་གསུངས་སོ།། སྒོ་ལྔ་སྣང་བ་མ་འགགས་པས།། འོད་ལྔ་གཟུང་བས་གཟུགས་ཀྱི་ཕུང་པོར་འཁྲུལ།། ཉམས་སུ་མྱོང་བས་ཚོར་བའི་ཕུང་པོར་འཁྲུལ།། དཀར་དམར་ལྔ་རུ་ཕྱེ་བྲ
4a6 འདུ་ཤེས་ཕུང་པོར་འཁྲུལ།། མངལ་དུ་ཆུད་པས་འདུ་ཤེས་ཕུང་པོར་འཁྲུལ།། སྒོ་ལྔ་ཆགས་པས་རྣམ་པར་ཤེས་པའི་ཕུང་པོར་འཁྲུལ། ཅེས་གསུངསོ།། དེ་ནས་མངལ་ནས་སྐྱེས་པའི་ཚེ།། རིག་པ་གསལ་བས་མ
iiif viewer powered by OpenSeadragon
