| e-texts navigator |
| Wylie |
5b1 དཔེར་ན་ཉིན་མོ་དྲག་ཏུ་སྤྱད་པའི་ལམ་དང་འདྲའོ།། ཆོས་སྐུ་ལོང་སྐ་སྤྲུལ་པའི་སྐུ།། ཤེས་རབ་ཀྱི་སྤྱན་ཐབས་ཀྱི་སྤྱན་ཡེ་ཤེས་ཀྱི་སྤྱན།། ཆོས་ཀྱི་དབྱིངས་ཀྱི་ཡེ་ཤེས།། མེ་ལོངས་ལྟ་བུའི་ཡེ་ཤེས། ཀུན
5b2 རྟོགས་ཡེ་ཤེས།། ཕྱིའི་ཤེས་རབ་ནང་གི་ཤེས་རབ་གསང་བའི་ཤེས་རབ་དང་གསུམ་མོ།། ཡང་ཡ་དྲུག་ཟུང་གསུམ།། དག་ལ་འདུས་པར་བཤད་པ་ཤིན་ཏུ་ཅེས་པས་ན།། ཡ་དྲུག་ཟུང་གསུམ་ངག་གི་ཉམས་ཀྱི
5b3 སྐྱེ་ཚུལ་བསྟན།། ཅེས་མཁའ་འགྲོ་མས་གསུངས་སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། ལྷུག་པ་ཉམས་ཀྱི་གདམས་ངག་བསྟན་པའི་ལེའུ་སྟེ། བཅུ་པའོ།། །།
5b4 དེ་དག་མདོར་བསྡུས་བསྟན་པར་ཞུས་ཅེས་ཞུས་པས།། བཀའ་སྩལ་པ།། སྔམ་གྱི་ཐིག་ལེ་གསལ་བ་སྟེ།། གཉིད་ལོག་པའི་དུས་ཉིད་དུ།། གཉིད་ལས་གྲོང་ལྡེར་བཀག་ནས་ནི།། སེང་གེ་ལྟ་བུའི་ཉལ
5b5 ཐབས་ཀྱིས།། འཛུག་མོ་གནང་དུ་གཙུག་ནས་ཀྱང་།། སེང་གི་རྣམ་པར་རྩེ་བའི་ཕྱག་རྒྱ་ཞེས་སུ་བསྟན་པ་ཡིན།། རྨི་ལམ་རྣམ་པ་གསུམ་ཡིན་ཏེ།། དྲན་པ་སྔ་བའི་རྨྱི་ལམ་དང་།། དེ་ཉིད་ཡེ་ཤེས་སྣང་བ
5b6 དང་།། འཕྲུལ་པ་ཆོ་འཁྲུལ་སྣང་བའོ།། དེ་ཉིད་ལོག་པའི་དུས་སུ་ཡང་།། དྲན་པ་རྒྱ་ཆེན་བསྟན་པ་ན་མཁའ་འདྲ།། གསལ་བ་གང་ལ་ཉི་ཤར་འདྲ།། ཟབ་པ་རྒྱུན་མི་ཆད་པ་རྒྱ་མཚོ་དངས་པ་འདྲ།
iiif viewer powered by OpenSeadragon
