| e-texts navigator |
| Wylie |
4a1 སྒོམ་པ་ཀུན་ཏུ་བཟང་པོ་བསྟན།། སྤྱོད་པ་རྡོ་རྗེ་སེམས་དཔར་བསྟན།། འབྲས་བུ་ཐིག་ལེ་ཁ་སྦྱོར་བསྟན།། རིག་པ་རྡོ་རྗེ་སེམས་དཔའ་ཡིན།། ཡེ་ནི་ཀུན་ཏུ་བཟང་པོ་ཡིན།། ཤེས་ནི་ཀུན་ཏུ་བཟང་མོར་བཤད།།
4a2 དེ་གསུམ་དཔལ་ཤར་ཙ་ན།། ལྷ་སྒོམ་སྤྱོད་པ་གང་འདོད་པ།། དེ་ནི་བསམ་པ་ཡིད་སྨོན་ཡིན།། ཅེས་གསུངས་སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས།། ཐིག་ལེ་རང་རྡོལ་བསྟན་པའི་ལེའུ་སྟེ། བདུན་པའོ།།
4a3 ཡང་བཀའ་སྩལ་པ། ཟེར་གྱི་ཀུན་ཏུ་བཟང་མོ་ནི།། ཡེ་ཤེས་ལྔའི་ངོ་བོ་དེ།། ལྷག་མཐོང་རིག་པའི་ཡེ་ཤེས་ཡིན།། ཡེ་ཤེས་ལྔ་དྲུག་གང་འདོད་པ།། དེ་ནི་གྲངས་ཀྱི་གོལ་ས་ཡིན།། ལྷག་མཐོང་སྤྲུལ་པའི་སྐུ་རུ་བཤད།
4a4 རིག་པ་རྩེ་གཅིག་ཟང་ཐལ་ལོ།། ཡེ་ནི་ཡེ་ཤེས་ལྔར་མ་གྲུབ།། ཤེས་པ་རྩ་གཅིག་ཡིན་པས་ན།། གྲང་ཀྱི་གོལ་སའི་འཁྲུལ་པ་གྲོལ།། དཔེར་ན་དྲུག་སྦྲུལ་མདུད་པ་སྟེ། མདུད་པ་མང་ཡང་རང་གིས་ཤིགས
4a5 རང་གི་མདུད་པ་གྲོལ་ཙམ་ན།། སྦྲུལ་གྱི་ངོ་བོ་ཟང་མར་སྣང་།། མདུད་པའི་གྲངས་ལས་གྲོལ་བའོ།། ཡེ་ཤེས་ལྔ་པོར་རིག་པས་བཏགས།། དུག་ལྔ་འདོགས་པ་མ་རིགས་པ།། གཉིས་མེད་ལྷག་མཐོང་རང་ཤར་བས།།
4a6 ཟངས་ཀྱི་གོལ་སའི་རྟོགས་པ་མེད།། དེས་མ་ཟེར་གྱི་ཐིག་ལེ་དེ།། སྤྲུལ་པའི་སྐུ་རུ་བསྟན་པའོ།། ཅེས་གསུངས་སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། ཟེར་གྱི་ཐིག་ལེ་བསྟན་པའི་ལེའུ་སྟེ།
iiif viewer powered by OpenSeadragon
