| e-texts navigator |
| Wylie |
3a1 གཞན་དུ་མཐོང་བས་ཞེ་སྡང་འབར།། རང་ངོ་མ་ཤེས་གཏི་མུག་འཐིབས།། ལྷ་མོར་མཐོང་བས་ང་རྒྱལ་སྐྱེས།། ང་རྒྱལ་ཁོང་ཁྲོ་ཁྲག་དོག་ལྔ།། རྣམ་རྟོག་མེད་པའི་ལམ་དུ་བྱུང་།། ཆགས་ཞེན་ལྔ་པོ་རང་ལ་ཤར།
3a2 དགེ་སྡིག་གཉིས་པོ་དེ་ནས་སེལ།། སྲིད་པ་གསུམ་པོ་དགའ་བ་སྟེ།། འཁོར་བའི་རྒྱ་མཚོའི་ནང་དུ་བྱིད།། འདོད་ཆགས་མེ་ལྟར་འབར་བ་དང་།། ཞེ་སྡང་བྲག་ཆེན་གཏམས་པ་དང་།། གཏི་མུག་ལྟར་འཐིབས་པ་དང་།། ང་རྒྱལ་ཆུ་ལྟར
3a3 འཁྲུག་པ་དང་།། ཕྲག་དོག་རླུང་ལྟར་འཚུབས་པ་ཡིས།། ངན་འགྲོ་བདེ་འགྲོའི་གནས་ན་འཁྱམ།། རང་རིག་རང་བདུད་གཅོད་པ་ཡིས།། ཐར་པའི་དུས་ནི་དཀའ་བར་མཆི།། ཅེས་གསུངསོ།། ཡེ་ཤེས་འཁོར་ལོ་གཏིང་རྫོགས་ཆེན
3a4 པོའི་རྒྱུད་ལས།། དགེ་སྡིག་རང་གྲོལ་དང་རང་བཅིང་སྤྱིས་བསྟན་པའི་ལེའུ་སྟེ། ལྔ་པའོ།། །། དེ་ནས་ཡང་བཀའ་སྩལ་པ། སངས་རྒྱས་སེམས་ཅན་ཁྱད་པར་བསྟན་པ་ནི།
3a5 འགྱུ་བ་ལྷུན་གྲུབ་རླུང་གི་བཤོག་པ་ཙམ།། རླུང་གི་འཁོར་ལོ་རྟ་ཕོལ།། ཞོན་ནས་ཕྱོགས་སུ་འགྲོ་འདོད་པ།། དེ་ནི་ཆགས་སྡང་སྐྱེ་བའི་གཞི།། རིག་པ་རང་ས་མི་ཟིན་པས། མ་རིག་པའི་མུན་པས་འཐིབས།། ཉོན་མོངས་པའི།
3a6 དབང་གི་སུ།། མ་ཤེས་འཁོར་བའི་འདམ་དུ་བྱིང་། འཁོར་བ་ལོག་ན་མེད་ན་རང་གིས་བསྒོད་།། སེམས་ནི་ཆགས་བསྡང་བསྐྱེད་པར་བྱེད།། དེས་ན་སེམས་ནི་རྟོགས་པས་འབྲས་བུ་འདུས་བྱས་འགྱུར།། སངས་རྒྱས་རིག
iiif viewer powered by OpenSeadragon
