| e-texts navigator |
| Wylie |
2b1 བུམ་པའི་སྐུ།། གཟིགས་སྣང་མེད་པར་མཁའ་ལ་ལྡིང་།། སྦྱོར་བ་གསུམ་གྱི་ཕ་རོལ་འགྲོ། ཅེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས། གཞི་དང་འཁྲུལ་པ་སོ་མཚམས་མཚོན་པའི་ལེའུ་སྟེ་གསུམ་པའོ།།
2b2 དེ་ནས་ཡང་བཀའ་སྩལ་པ། རྩེ་གཅིག་ཉོན་གཅིག་གསང་བདག་ཁྱོད།། དགེ་སྡིག་སོ་མཚམས་མཚོན་པར་བྱ།། དགེ་སྡིག་གཉིས་ཀྱི་སྐྱེས་པ།། རྣམ་རྟོག་མེད་པའི་ལྷུན་གྲུབ་ཡིན།། དེ་ཡི་སོ་མཚམས་བསྟན་པ་ནི
2b3 ཡིད་གསུམ་འཇུག་ལྡོག་ཡིན་པར་ཤེས།། ཀུན་ཏུ་བཟང་པོས་སྐྱེ་མེད་རྟོགས།། དང་པོ་སངས་རྒྱས་རྒྱུད་པ་མེད།། ཡེ་ཤེས་ཡེ་ཤེས་ཁྱད་པར་ཆེ།། ཁྱབ་བརྡལ་ཆེན་པོ་ཡེ་ཤེས་ཆེ།། ཆོ་འཕྲུལ་ཆེན་པོ་དཀའ་བ་མེད།།
2b4 དགེ་ལས་མ་བྱུང་རང་བྱུང་སེལ།། གཞན་ལས་མ་བྱུང་ཡོན་ཏན་ཅིར་མི་གཟིགས།། གཉིས་མེད་རང་གྲོལ་མཚན་མ་བདེ་བར་ཤར།། རྣམ་རྟོག་སྐྱེས་ནས་སླར་ལ་ཡེ་ཤེས་གསལ།། ཕྱི་ནང་མེད་པས་ཆོས་ཉིད་རླན་གྱི་བཙས།།
2b5 མ་རྙེད་རང་ལ་ཤར་བས་སྙིམ་སྟོང་པས་གསལ།། སྤུན་པོའི་རྩེ་ནས་གདུགས་འདྲ་བརྡལ།། ཅེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། དགེ་བ་རང་སར་གྲོལ་བའི་ལེའུ་སྟེ། བཞི་པའོ།།
2b6 དེ་ནས་ཡང་བཀའ་སྩལ་པ། སྡིག་པ་ལོག་ནས་གྲུབ་པ་མེད།། ལྷུན་གྲུབ་རྒྱ་ཆར་མེད་པའི་རྩལ་ཆེན་དེ།། རབ་ཏུ་འཇུག་པའི་ལུས་གསུམ་ཤར།། འགྱུ་བ་རླུང་གིས་བཤོག་པ་ཅན།། མཛེས་མར་ལྟས་པས་ཆགས་པ་སྐྱེ།
iiif viewer powered by OpenSeadragon
