| e-texts navigator |
| Wylie |
11b1 འགྱུ་བ་འོད་གསལ་ཤར་བ་སྟེ།། ལོངས་སྤྱོད་རྫོགས་སྐུའི་རིག་པ་ཡིན།། འོད་ལས་འདས་པའི་ཟང་ཐལ་སྟེ།། ཆོས་ཀྱི་སྐུའི་རིག་པ་ཡིན།། ཐམས་ཅད་གཏན་ལ་འབེབས་པས་ན།། རིག་པའི
11b2 མཆོག་ཏུ་དེ་བཤད་དོ།། དེ་དོན་ཐུགས་ལ་གང་གནས་པ།། ལུང་གིས་རྒྱལ་པོ་དེ་བཤད་དོ།། གླགས་ཀྱི་གདམས་ངག་བསྟན་པ་ནི།། ཡིན་ལུགས་མ་རྟོགས་སེམས་འཛིན་གེགས།།
11b3 ཁྱེར་ཀ་མ་ཤེས་གོམ་པའི་གེགས།། ཟང་ཐར་མ་ཤར་ལྟ་བའི་གེགས།། ཆོས་མེན་མ་ཤར་འབྲས་བུའི་གེགས།། རང་བཞིན་གཅིག་ཏུ་གྲོལ་གྱུར་ན།། གགས་ཐར་ཡེ་ཤེས་ཀློང་དུ་གྲོལ
11b4 ཐམས་ཅད་རང་སར་གྲོལ་ཙམ་ན།། ཐིག་ལེ་ཕྱི་ནང་མེད་པ་ཡིན།། ཐམས་ཅད་ལམ་དུ་ཀློང་ཙམ་ན།། ཡེ་ཤེས་ཁོང་ནས་ཤར་བ་ཡིན།། མཚན་མ་རང་གྲོལ་སྤྱོད་པ་མ་ཡིན་ཁྱེར་ཀ་ཡིན།།
11b5 ཅེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས། རིག་པ་དང་ལུང་གགས་མཚོན་པའི་ལེའུ་སྟེ། ཉེ་གཉིས་པའོ།།
11b6 དེ་ནས་བཅོམ་ལྡན་འདས་ཀུན་ཏུ་བཟང་པོས། རྡོ་རྗེ་སེམས་དཔའ་ལ་བཀའ་སྩལ་པ།། ངས་བཤད་པའི་རྒྱུད་ཆེན་འདི། ཡེ་ཤེས་གཏིང་རྫོགས་དག་གི་རྒྱུད། ཐམས་ཅད་རང་གྲོལ
iiif viewer powered by OpenSeadragon
