| e-texts navigator |
| Wylie |
10b1 མཚན་མ་རང་སར་གྲོལ་བའི་ཕྱིར།། ཁྱུང་ཆེན་སྒོང་རྒྱ་ཐོགས་པ་འདྲ།། བརྩོལ་བ་མེད་པར་མཁའ་ལ་ལྡིང་།། རྒྱལ་ཐབས་སྤྱི་བླུག་དབང་སྐུར་བས།། མཚན་མ་རིག་པའི་ཡེ་ཤེས་ལ།། རྒྱས་འདེབས་ཕྱི་ནང་མེད་པའི་དབང
10b2 ཐོབ་པས།། ཕྱི་ནང་དབང་བསྐུར་ཐམས་ཅད་འདུས།། ཡེ་ཤེས་ཐོག་བབས་དབང་སྐུར་བས།། རྣམ་རྟོག་སྐྱེས་པའི་དུས་ཉིད་ན། ཡེ་ཤེས་ཟང་ཐལ་ཕྱོགས་མེད་ཤར།། ཅེས་གསུངས་སོ།། ཡེ་ཤེས་འཁོར་ལོ
10b3 གཏིང་རྫོགས་ཆེན་པོའི་རྒྱུད་ལས།། དབང་ཐམས་ཅད་ཡེ་ནས་གཞི་གྲུབ་པའི་ལེའུ་སྟེ། ཉི་ཤུ་པའོ།། ། དེ་ནས་ཡང་གསངས་པ། སེམས་དཔའ་ཆེན་པོ་ཉོན་ཅིག
10b4 ལམ་གྱི་གདམས་ངག་ཡེ་ཤེས་ངོ་བཟུང་བསྟན་པ་ནི།། འཁོར་བའི་རྩ་བ་མ་རིག་པ།། ཆགས་སྡང་ལྔ་ཡི་ལོ་མ་ཅན།། ཉོན་མོངས་བརྒྱད་ཁྲི་བཞི་སྟོང་སྨིན།། ཐིག་ལེ་རྩ་བ་རང་སྒོ་རིག་པའི་མཆོག། ཡེ་ཤེས་ལྔའི
10b5 ལོ་འདབ་རྒྱས།། ཆོས་ཀྱི་སྒོ་མོ་བརྒྱད་ཁྲི་སྟོང་སྤྲིན།། དེ་ཉིད་བར་ན་འབྲེལ་པ་ཟ་མ་ཆད།། བློ་དངོས་གཉིས་ཀྱི་བར་ན་གཅོད་བྱེད་གནས།། ཉམས་ཀྱི་རྒྱལ་པོའི་ཚོགས་དྲུག་ལྷུབ་པ་ཡིན།། ཡེ་ཤེས་རྒྱལ་པོ་ཟང
10b6 ཐལ་ཡིན།། ཐེག་པའི་རྒྱལ་པོ་ཐིག་ལེ་ཡཾ་བརྡལ་ཡིན།། ལམ་གྱི་རྒྱལ་པོ་འགྱུ་བ་ལམ་ཁྱེར་ཡིན།། སྔགས་ཀྱི་རྒྱལ་པོ་ཐིག་ལེ། ཡིན།། རྩའི་རྒྱལ་པོ་ཤེལ་གྱི་སྐྲག་གུ་ཡིན། སྟེགས་ཀྱི་རྒྱལ་པོ་སྐུ་གསུམ་ཐུག
iiif viewer powered by OpenSeadragon
