| e-texts navigator |
| Wylie |
3b1 རྒྱས་ཀྱི་བར་དུ་བླ་མ་དམ་པ་ལ་དྲི་བར་བྱའོ།། བདེན་པ་མ་མཐོང་གི་བར་དུ་བསྒོམས་པས་མཐོང་བར་མི་འགྱུ་རོ།། ཅེས་བྱང་ཆུབ་སེམས་དཔའ་རྒྱལ་མཚན་རྩེ་མོའི་རྒྱུད་ལས།། ཆེ་བའི་ཡོན་ཏན་བསྟན་པའི་ལེའུ་སྟེ་གསུམ་པའོ།།
3b2 དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས།། སྤྱི་དོན་ལྔ་དགྲོལ་བའི་གདམ་ངག་བསྟན་པ། དབང་པོ་བཞི་བསྡུ། ཆོས་ཉིད་དོ་སྤྲད། རིག་པའི་གོས་གྱོན། ཡིས་མ་བུ་སྤྱད། ནོར་བུ་རྒྱསས་བཟུང་།། དབང་པོ་བཞི་བསྐུ
3b3 བ་ལ་ལྔ་སྟེ། བདག་སྲིད་པའི་རྩེ་མོ་རྒལ་ནས།། དབང་པོ་ཚོགས་དྲུག་འགཊ་པའི་དུས་སུ། བྱང་ཆུབ་སེམས་དཔའ་ཁྱེའུ་སྔ་མ་ལ་བཞི་སྟེ། ཁྱེའུ་སའི་སྙིང་པོ་རིགས་རྡོ་རྗེའི་རིགས། འབྱུང་བ་སའི་རང་བཞིན། སྐུ་མི་བསྐྱོད་པའི
3b4 སྤྲུལ་པ། རང་བཞིན་སངས་རྒྱས་པར་རྒྱུན་གྱི་རྟག་པས། དེའི་ཕྱིར་ནི་སྟོང་པ་ཡིས་ཀྱི་སྙིང་པོ་ཅན་ཞེས་བྱ་སྟེ། ངའི་རང་བཞིན་ནི་མཛེས་པའི་ལྷ་མོ་འོད་ཟེར་ཅན་ཞེས་བྱ་བ་ཡིན་ཏེ། སེན་རྣམས་ལ་ཚད་མེད་པ་གཞི་འགག་པ་མེད་པར
3b5 སྐྱོབ་པའི་ཕྱིར། ལྷ་མོ་ཡིན་ལ་རང་བཞིན་དག་པའི་ཕྱི་ནས་འོད་ཟེར་འབྱུང་བས་ངའི་སྤྲུལ་པའི་སྐུ་འོད་ཟེར་དུ་སྣང་ངོ་།། དེའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འོད་ཟེར་གྱི་སྣང་བར་ནུས་པའོ།། དེའི་རྩལ་སྣང
3b6 ན་མཁའ་ལ་སྤྲིན་གྱི་ཁ་དོག་དཀར་དམར་དུ་སྣང་བ་དང་། ས་གཞི་ལ་རིམ་པོ་ཆེ་དང་། སའི་ཁ་དོག་དང་། རྩི་ཤིང་དང་། མེ་ཏོག་གི་ཁ་དོག་དཀར་དམར་ལྔ་སྣང་བ་ཐཾད་དང་། ངའི་སྐུའི་རོལ་པ་ལ་བྱུང་བ་ཡིན་ནོ།། ཅེས་དྲི་བ་དང
iiif viewer powered by OpenSeadragon
