| e-texts navigator |
| Wylie |
9b1 ནས། རིག་པ་ཆོས་མིན་གྱི་ཡེ་ཤེས་དེ་ལ། བསྒྲིབ་གཡོག་གདོད་ནས་དག་པས།། དཔེ་ཤེལ་སྒོང་དག་པ་ལྟ་བུའོ།། མ་བཙལ་བར་གྲུབ་པས་ནོར་བུ་རིན་པོ་ཆེ་ལྟ་བུའོ།། སྣ་ཚོགས་སུ་སྣང་ཡང་རང་བཞིན་མེད་པས
9b2 ཆུ་ཟླ་ལྟ་བུའོ།། དེའི་རྩ་ལ་མི་འགག་པས་རླུང་ལྟ་བུའོ།། རྒྱ་གར་ཀྱང་མ་ཆད་ཅིང་། ཕྱོགས་གར་ཡང་མ་ལྷུང་བས། ན་མཁའ་ལྟ་བུའོ།། འབད་རྩོལ་མེད་པས་ཁྱུང་ཆེན་ལྟ་བུའོ།། སྐད་ཅིག་ལ་རང
9b3 ས་ནོན་པས་སེང་གེའི་འཕྱོད་པ་ལྟ་བུའོ།། སྣང་བ་ཐམས་ཅད་རང་གྲོལ་དུ་སྣང་བ་ནི་ཐག་པ་སྦྲུལ་ལྟ་བུའོ།། ཕྱོགས་རིས་མེད་པ་ཉིད་མ་ཕྱེད་ཀྱི་དཀྱིལ་ལྟ་བུའོ།། ཅེས་གསུངས་སོ།། བསྐལ་པ་འོད་ལྡན
9b4 གྱི་རྒྱུད་ལས། རང་རིག་པའི་ཡེ་ཤེས་ལ་དཔེ་ངོ་སྤྲད་པའི་ལེའུ་སྟེ། ཉི་ཤུ་པའོ།། ། ཡང་བཀའ་སྩལ་པ། གསང་བའི་བདག་པོ་ཁྱོད་ཉོན་ཅིག
9b5 ལྟ་བ་ཁ་འརྔ་མ་ཤོར་བ་དང་། ཐིག་ལེ་ཆོས་མེན་ཀློང་པ་གཉིས།། འདྲ་འདྲ་ཏེ་ནོར་བར་འཆི།། སྒོམ་པ་སེམས་འཛིན་སྤྱོད་པ་དང་།། འགྱུ་བ་ལམ་དུ་གློང་བ་གཉིས།། འདྲ་འདྲ་ཏེ་ནོར་བར་འཆི།། ཡེ་ཤེས་ལྷའི་ལུང་སྟོན
9b6 དང་། བར་ཆོད་བདུད་ཀྱི་ལུང་སྟོན་གཉིས།། འདྲ་འདྲ་ཏེ་ནོར་བར་འཆི།། ཚོགས་དྲུག་ལྷུག་པའི་རྣལ་འབྱོར་དང་།། ། རང་རྒྱུད་ལྷུག་པའི་རྣལ་འབྱོར་གཉིས།། འདྲ་འདྲ་སྟེ་ནོར་བར་འཆི།། སྣང་བ་ལམ་དུ་ཁྱེར་བ་དང་།
iiif viewer powered by OpenSeadragon
