| e-texts navigator |
| Wylie |
3a1 ལམ་པཱི་སྐུ་གསུམ་བསྟན་པ་ནི།། རང་གྲོལ་སྐུ་གསུམ་རྔ་ལོག་ནི།། སྣང་བ་མི་འགག་ལོངས་སྐུར་ཤར།། འཛིན་པ་མི་འགག་སྦྲུལ་སྐུར་ཤར།། ཐིག་ལེ་མ་འགག་ཆོས་སྐུར་ཤར།། ཡེ་ནས་ཡིན་པའི་ཐིག་ལེ་ལ།
3a2 སྐུ་གསུམ་རྩི་བ་ལམ་པའི་ཆོས།། གཞི་ལས་འདས་པའི་ཐིག་ལེ་ལ།། སྐུ་གསུམ་ཀ་ནས་མ་གྲུབ་པས།། སྒྱུ་ལམ་འབྲས་བུ་ང་ཡི་དུར།། རིག་པའི་སྐུ་གསུམ་ཆོས་ལས་གྲོལ།། ལྷ་བསྒོམ་སྤྱོད་པ་ང་ཡི་དུར།། ང་ཡི་སྒྲིབ་ཤིང་ལྷ
3a3 སྒོམ་ཡིན།། ལྟ་བ་སྲོག་གི་ལྟ་བ་མཆོད་པས།། རིག་པའི་ཡེ་ཤེས་སྒྲིབ་པ་ཡིན།། སེམས་ཀྱི་སྐུ་གསུམ་མ་གནན་ན།། གོལ་སྒྲིབ་མ་ཤེས་སྐྱོན་དུ་འགྱུར།། ཆོས་ཀྱི་སྐུ་གསུམ་མ་བསྟན་ན།། གོལ་སྒྲིབ་འདུས་བྱས་སྐྱོན་ཏུ་འགྱུར།
3a4 ཐིག་ལེའི་སྐུ་གསུམ་མ་བསྟན་ན།། འབྲས་བུ་རང་ཆས་མེད་པའི་སྐྱོན་དུ་འགྱུར།། སྐུ་གསུམ་སྣང་བར་མ་བསྒྱུར་ན།། ཐེག་པ་ཕྱི་ལ་འོག་མི་ཐོན།། ཅེས་གསུངས་སོ།། བསྐལ་པ་འོད་ལྡན་གྱི་རྒྱུད་ལས།། སྐུ་གསུམ་བསྟན་ལ་དབབ་པའི
3a5 ལེའུ་སྟེ། ལྔ་པའོ།། ། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ཁྱོད་ཉོན་ཅིག། ལྟ་བ་རྔ་ལོག་བསྟན་པ་ནི།། ལྟ་བ་ཀུན་ཀྱང་འཐུན་ཏེ་ཀུན་ཀ་མེན།། སོ་མ་རྣལ་མ་མ་བཅོས
3a6 ག། ཕྱིའི་ལྟ་བ་ཡིན་པར་བཤད།། སྟོང་པ་ཁྱབ་པར་མི་འགྱུར་བ།། ནང་གི་ལྟ་བ་ཡིན་པར་བཤད།། རང་བཞིན་མི་འགྱུར་ངོ་བོར་གསལ།། རྒྱུ་རྐྱེན་མེད་པའི་དོན་དེ་ནི།། གསང་བའི་ལྟ་བ་རྔ་ལོག་ཡིན།། ཀུན་ཏུ་བཟང་པོའི་ལྟ
iiif viewer powered by OpenSeadragon
