| e-texts navigator |
| Wylie |
4b1 སེང་གེ་རྣ་བའི་རྣལ་འབྱོར་རྒྱུའི་དཔེའ་གསུམ་ཡིན། ཁྱུང་ཕྲུག་སྒོ་ངའི་ནང་དུ་ནི། གཤོག་རུ་རྒྱས་ཏེ་ཕྱིར་མ་འཐོན། དཔེར་ན་རྣལ་འབྱོར་རྟོགས་ལྡན་དེ།། འགྱུར་བ་འགྱུར་ཏེ་འགྱུར་བ་མེད།
4b2 དཔེར་ན་ཁྱུང་ཕྱིར་འཐོན་པས།། སྒོ་ང་བཅག་པས་མ་དང་མཉམ།། འོག་མ་རྣམས་ལ་ཉམ་མིང་།། འབད་རྩོལ་མེད་པར་མཁའ་ལ་ལྡིང་།། མ་དང་མཉམ་ཏེ་དབྱེ་བ་མེད།། རྣོང་ཞིང་གསོ་ཡི་ཁར་མ་ལུས།།
4b3 དཔེར་ན་ནོར་པས་དོན་དང་མཇལ།། ཞེས་གསུངས་སོ།། དཔེར་ན་རྟོགས་པའི་རྣལ་འབྱོར་དེ།། རྟག་མ་ནོར་བ་འདི་ལྟ་སྟེ། འོག་མའི་ཆོས་རྣམས་དོན་ལ་རྫོགས།། ཡན་ལག་མཐའ་སྐེ་ཡི་གེ་མེད།
4b4 མ་རིག་སྒོ་ངའི་སྦུབས་འབྱེད་པ།། རྟོགས་པ་ནང་ནས་རྒྱས་པ་ཡིས།། ཕུང་པོ་བོར་ནས་གཞི་དང་མཇལ།། ཞེས་གསུངས་སོ།། སེང་ཕྲུག་མངལ་ནས་མ་དང་མཉམ།། མཉམ་ཡང་སེང་གེར་མིང
4b5 མ་ཐོགས།། རྟོགས་ལྡན་རིག་པ་ཁོང་ནས་གྲོལ།། གྲོལ་ཡང་མངལ་རྒྱས་མིང་མ་ཐོགས།། མངལ་སྒྲོར་མཐོན་ནས་སེང་གེར་རྟགས།། གཞི་ལ་སླེབ་པས་སངས་རྒྱས་གྲལ་དུ་ཐོག། ཅེས་གསུངས་སོ།།
4b6 དཔེར་ན་རྗེ་དྲུག་མངལ་དུ་གནས།། དྲག་ལ་ཐར་པའི་སྒྲ་མ་ཞུགས།། ཐར་ཏ་ཐར་ཏེ་ཕྱིན་པ་མེད།། མ་ཡི་མངལ་ནས་འཐོན་པ་དང་།། མ་ཡིས་དྲག་ལ་ཕྱིན་པ་དང་།། བུས་ཀྱང་ཐེ་ཙོམ་མེད་པར་ཐར།
iiif viewer powered by OpenSeadragon
