| e-texts navigator |
| Wylie |
7b1 ཕུང་པོར་འབར།། གདན་གསུམ་ང་ལ་མ་བསྐྱོད་རྫོགས།། སྦྱོར་བ་གསུམ་གྱི་སྤྲུལ་པ་འབྱིན།། འགྲོ་བའི་མ་རིགས་མུན་པ་སེལ།། ཐུགས་རྗེ་འབྱུང་བའི་དགོངས་པ་ཡིན།། ཧྲིཾ་མ་ཀྱེ་མ་རྡོ་རྗེ་འཛིན།། རིན་ཆེན་ཟུར་བརྒྱད་ཉི་ཟླའི་ཁང་པ་ན།
7b2 སྐུ་དང་ཡེ་ཤེས་པའི་མར་མེ་ལྟར།། ལོག་ན་མི་གནས་རང་བཞིན་ལྷུན་གྱི་གྲུབ།། རྟོག་པས་འདུ་འབྲལ་མེད་པའི་དགོངས་པ་ཡིན།། ཡེ་ནས་སངས་རྒྱས་ཆེན་པོ་ལས།། ལུས་ངག་ཡིད་གསུམ་བྱ་བ་ཡིས།། ས་དང་ལམ་རྣམས་རིམ
7b3 བསྐྱོད་དེ།། སངས་རྒྱས་ཡིས་རྩལ་དུ་མེད།། ཆུ་ཡིས་རང་བཞིན་གདང་བ་ལ།། རྙོགས་པས་དེ་བཞིན་མི་གསལ་བཞིན།། ཆོས་སྐུ་རང་བཞིན་སངས་རྒྱས་ལ།། སྐུ་གཉིས་མ་རྩ་ལ་ལྷུན་གྱིས་གྲུབ།། ལུས་དང་བརྩོ་ལས་གསལ་མི
7b4 ནུས།། ང་ཡི་ངོ་བོ་དག་པ་ལས།། དགེ་དང་སྡིག་པ་གདོད་ནས་མེད།། མེད་པའི་ཆོས་ལ་ཕན་གནོད་མེད།། བྱས་པའི་ཆོས་ཀྱི་སངས་མི་རྒྱ།། མ་བཅོས་རང་གིས་དང་ལ་བཞག། བྱ་བརྩལ་འདས་པའི་དགོད་པ་ཡིན། མི་གནས་ཡེ་ཤེས་ད
7b5 རྟོགས་མཐའ་དང་བྲལ།། སྨྲ་བསམ་བརྗོད་མེད་རང་བཞིན་རྣམ་པར་དག། མ་བཙལ་བཞག་པས་འདུ་འབྲལ་ཡོངས་ཀྱི་མེད།། རང་རིགས་ཟང་ཐལ་ཆེན་པོ་ལས།། བསྒྲིབ་མེད་རང་སྣང་རྩེ་གཅིག་གསལ།། བློས་བཞག་བསྒོམ་པས་གྲོལ་འདོ།།
7b6 པ།། མ་ཚོར་ཡིད་ཀྱི་ཡུལ་གྱུར་པས།། རིན་ཆེན་གསེར་གྱི་སྒྲོགས་བཅུག་བཞིན། གཟུང་འཛིན་བརྩོལ་བས་བསྡམ་ཞིང་འཆིང་།། ལྔ་པ་དོན་གྱི་དགོངས་པ་ཡིན།། ཅེས་གསུངསོ།། ཐིག་ལེ་ཀུན་འདུས་ཆེན་པོ་ལས།། ཐུགས་ཀྱི་རྒྱུད་ཀྱིས
iiif viewer powered by OpenSeadragon
