| e-texts navigator |
| Wylie |
6a1 གསང་བར་གནས།། ཆེ་བའི་ཡོན་ཏན་དགོངས་པ་ཡིན།། ངས་བཤད་པདྨ་འཁྱིལ་བའི་རྒྱུད།། ཚིག་རྒྱུད་ཀུན་གྱི་རྩ་བ་སྟེ། དེ་སོགས་རྒྱུད་ཀྱི་ཤང་རྒྱུད་པས།། པདྨ་འཁྱིལ་པའི་མན་ངག་གིས།། གཞི་ཡིས
6a2 མ་རིག་མུན་གསལ་ནས།། རྟོགས་པའི་རྡོ་རྗེ་རང་སྣང་བས།། མུན་པའི་སྒྲོན་མེའི་དགོངས་པ་ཡིན།། གཞི་དང་ཡོན་ཏན་མ་འགག་པས། འཁོར་འདས་གཉིས་སུ་འབྲེལ།། དངོས་པོའི་དོན་ལ་གཉིས་མེད་པར།། བྱིན་གྱིས་བརླབས་ཀྱིས
6a3 སྣང་ཞིང་འཆར།། བཞུགས་ཤིང་འབྱུང་བས་གཞི་ཉིད་དེ།། རིན་ཆེན་ཕྲེང་བའི་དགོད་པ་ཡིན།། ཀྱེ་མ་རིགས་ཀྱི་བུ། ངོ་བོ་སྤྲོད་པ་ལས་འདས་ཅིང་།། ཉོན་མོངས་རྟོགས་པའི་ཟུག་རྔུ་ཞི།། ཐུགས་རྗེ་སྐུ་གཉིས་མི་འགག་པས།། རང
6a4 རིག་ཡིས་ཆེན་པོར་འདུས།། འཁོར་འདས་སྤྱིའི་དོན་བསྟན་པ།། འཇམ་དཔལ་ཡེ་ཤེས་འདུས་པའི་དགོངས་པ་ཡིན།། ཀྱེ་མ་རིགས་ཀྱིས་བུ་ལེགས་པར་བཟུང་ཅིག། གཞི་སྣང་ཆེན་པོའི་འདུག་ཚུལ་ལས།། འཁོར་འདས་གཉིས་སུ
6a5 ཤར་པ་ནི།། བསྐལ་པ་དང་པོ་ལས་སངས་རྒྱས་འོད་མི་འགྱུར་བ།། འཁོར་འདས་ཀྱི་ཆོས་ཐཾད་ས་བོན་དུ་གནས་པའོ།། བར་དུ་མ་འགག་པའི་ཡེ་ཤེས་འོད་དུ་ཤར་ཏེ། མྱུ་གུ་ལྟ་བུའོ།། ཐ་མ་འབྲས་བུ་མངོན་པར་སྣང་སྟེ།
6a6 སངས་རྒྱས་སེམས་ཅན་གཉིསུ་སྣང་ཞིང་སྨིན་ཏེ། འཁྲུལ་པ་གསུམ་དུ་སྣང་ངོ་།། དེ་ཡི་ཚེ་དེ་ཡི་གཉེན་པོ་རྡོ་རྗེ་སེམས་དཔས་ཐོག་མ་སངས་རྒྱས་ངོ་སྤྲང་དེ།། འཁོར་བ་ཁང་བཟློག་གིས་མི་འགྱུར་དོན་གྱི་སྙིང་པོ་སྟེ། གདན།
iiif viewer powered by OpenSeadragon
