| e-texts navigator |
| Wylie |
4b1 སངས་རྒྱས་སུ།། ང་ཡི་ལུང་བསྟན་ངེས་པའི་དོན།། གསེར་བུར་དོན་གྱི་དགོངས་པ་ཡིན།། དེ་ལྟར་ང་ཡིས་གདམས་པ་ཡིས།། རང་རིག་ཡེ་ཤེས་བསྟན་པའི་ཚེ།། ཨ་ནུ་ཡོ་གའི་མན་ཆད་ནས།། མུ་སྟེགས་རྟག་ཆད་ཡན་ཆད་ཀྱིས།
4b2 བློ་ཡི་གེ་འདོད་མི་གནས་པར།། རང་རིག་ཡེ་ཤེས་གཏན་ལ་ཕེབས།། བློ་དང་དངོས་པོའི་དོན་ཆད་པས།། སྤུ་མི་ལྟ་བུའི་དགོངས་པ་ཡིན།། རང་རེག་དག་པའི་ཆོས་སྐུ་ལ།། ཡེ་ཤེས་སྤྱན་གྱིས་མྱུ་གུ་ལྔ།། ཁ་དོག་ཡི་བདག
4b3 ཉིད་ཅན།། མ་འགག་ཟླ་བའི་མྱུ་གུར་ཤར།། རྟོགས་དང་མ་རྟོགས་ཁྱད་པར་གྱིས།། འཁོར་དང་མྱ་ངན་འདས་པར་ཤར།། སྣ་ཚོགས་སྣང་བར་ཟད་མོད་ཀྱང་།། རང་གིས་ངོལ་རྣམ་པར་དག། ས་ལེ་ལྡང་པའི་དགོངས་པ་ཡིན།།
4b4 ཆོས་སྐུའི་དོན་ལ་རྟོགས་པ་ལ།། གཟུང་འཛིན་རྟོགས་པ་སྣ་ཚོགས་ཤར།། དེ་ཡི་གཟུང་འཛིན་སྣང་བ་ཡིས།། དེ་ཡི་ཆོས་ཅན་སྣ་ཚོགས་ཤཱར།། དེ་ལ་ཐེག་པ་སྣ་ཚོགས་འཆར།། ལོག་པར་རྟོག་པ་ཕྱོགས་རེ་སེལ།། ངེས་པ་དོན
4b5 གྱི་གདམས་པ་ཡིན།། གཞི་སྣང་ཆེན་པོའི་དོན་བརྗོད་པས།། གཞི་ཡི་ཡོན་ཏན་ཕྱོགས་རེ་ཡིས།། མི་འཐུན་ཕྱོགས་རེ་སེལ།། བློ་ཡིས་མཐའ་ལས་ངེས་གྲོལ་བ།། རྟོགས་པ་མཐའ་སེལ་དགོངས་པ་ཡིན།། ངས་བསྟན
4b6 དོན་གྱི་དགོངས་པ་ལས།། ང་ཉིད་འཇིག་རྟེན་འདས་པའི་ཚེ།། ལོག་ལྟ་ཅན་རྣམས་བརྩོད་སྲིད་པས།། ཡང་དག་དོན་གྱི་མཐའ་ཐོབ་ལས།། དྲི་དང་ལན་དབབ་ལན་བྱུང་བས།། སེང་གེ་རྣམ་པ་འགྱིངས་པ་ཡིས།། གཅན་ལན
iiif viewer powered by OpenSeadragon
