| e-texts navigator |
| Wylie |
18a1 ཡོངས་ལ་ཁྱབ།། གསང་བའི་ཤེས་རབ་བསྒྲིབ་པ་ཀུན་ལས་འདས།། ཀུན་ལ་མཆོག་གྱུར་ཁྱད་པར་ཆེ་བས་འཕགས།། ནམ་ཁའ་ཁྱབ་པ་དོན་གྱི་དགོད་པ་ཡིན།། ཅེས་གསུངསོ།། ཐིག་ལེ་ཀུན
18a2 འདུས་ཆེན་པོ་ལས།། ཕྱོགས་འཛིན་གྱི་དགོངས་པ་བསྟན་པའི་ལེའུ་སྟེ། བཅུ་པའོ།། ། ཀོ་ཤ་དྷཱུ་ཏཱ་མ་ཧཱ་བཛྲ་དྷ་ཏི་ཏཱན་ཏྲ་ཙཀྲ་པ་ཙ་ཨུ་པ་དེ་ཤ་ཨུ་ཏ་ཀ་ལ་ས་ཏུ་ཨ།། དེའི་ཚེ་ཡང་སྟོན་པ་རྡོ་རྗེ་འཆང་ཆེན་པོ་དེས
18a3 གསང་བའི་སྙིང་པོ་བླ་ན་མེད་པའི་དགོངས་པ་ལ་སྙོམས་པར་བཞུགསོ།། དེའི་ཚེ་གསང་བའི་བདག་པོས་ཞུས་སོ།། ཀྱཻ་ཀྱཻ་བཅོམ་ལྡན་རྡོ་རྗེ་འཆང་།། གསང་བ་དོན་གྱི་སྙིང་པོའི་དགོངས་པ་གསུངས་དུ་གསོལ།། ཅེས་ཞུས་སོ།།
18a4 སྟོན་པས་བཀའ་སྩལ་པ། ལག་ན་རྡོ་རྗེ་ལེགས་ཟུང་ཅིག། ཆོས་སྐུ་ཡུལ་མེད་ཡེ་ཤེས་རང་གདངས་བཅས།། དོན་ལ་འགྱུར་མེད་འབྱེད་མེད་ཤེས་རབ་བཅས། སྟོང་ཉིད་སྤྲོས་བྲལ་ཡོངས་ལ་ཁྱབ་པའི་སྐུ།། ཐུགས་རྗེའི
18a5 འགག་སྤྲུལ་སྐུ་རྒྱུན་མི་ཆད།། མི་འགྱུར་ཀློང་ནས་ཡེ་ཤེས་སྤྱན་མ་འགགས།། རང་སྣང་ཡེ་ཤེས་གཞན་སྣང་རྟོགས་པ་མེད།། ཐམས་ཅད་ཡོངས་རྫོགས་སྐྱེ་འགག་འཆར་ནུབ་མེད།། དོན་གྱི་དབང་བཞི་མ་བསྐུར་ལྷུན་རྫོ
18a6 པས།། མ་བསྒོམ་མ་སྒྲུབས་ཡིད་ཉིད་རྫོགས་སངས་རྒྱས།། དོན་གྱི་རྫས་གཞི་མ་བསགས་ལྷུན་གྲུབ་པས།། རྟོགས་པའི་ཤེས་རབ་རང་རིག་ཁོང་ནས་འཆར།། བཀོད་པ་གཞི་ལྡན་དོན་གྱི་དབང་ཆེན་རྫོགས།། རེང་བྱུང་ཡིས
iiif viewer powered by OpenSeadragon
