| e-texts navigator |
| Wylie |
17b1 དགོངས་པར་བཞུགས།། ན་མཁའ་ལྟོ་སྦྱོར་དོན་གྱི་དགོངས་པ་བསྟན།། ཆོས་ཉིད་ཀློང་ན་ཆོས་སྐུ་གསལ་བ་ནི།། ན་མཁའི་ངང་ན་ཉི་མའི་སྙིང་པོ་གནས་པ་བཞིན།། མི་འགྱུར་ཡོངས་ལ་ཁྱབ་པའི་སྐུ།། དེ་ལ་ཡེ་ཤེས་སྣང་བ
17b2 འཆར་བ་ནི།། སྤྲིན་མེད་མཁའ་ལ་ཉི་མ་སྣང་བ་བཞིན།། རིགས་ལྔའི་སངས་རྒྱས་མ་འདྲེས་རྫོགས་པ་ནི།། ན་མཁའི་ངང་ན་འཇའ་མཚོན་གསལ་བ་བཞིན།། ཐིག་ལེ་ཆེན་པོ་དོན་གྱི་དགོངས་པ་ཡིན།། མི་གཡོའོ
17b3 འདུ་འབྲལ་མེད་པའི་ཡེ་ཤེས་གསལ།། མཚོན་པའི་ཐབས་ཀྱི་རིམ་པས་བློ་ལ་སྦྱར།། མ་འགྱུར་བ་ཅིག་རྟོགས་ཚུལ་རྒྱུད་ལས་སྐྱེས།། སྦུབས་དང་བྲལ་བས་བདག་ཉིད་མངོན་སངས་རྒྱས།། འགག་མེད་ཐུགས་རྗེས
17b4 འགྲོ་དྲུག་གནས་སུ་འདྲེན།། མི་གནས་བདག་མེད་ཆོས་སྐུའི་ཀློང་ན་གནས།། རིམ་ཆེན་སྒྲོལ་མ་དོན་གྱི་དགོངས་པ་ཡིན།། མ་འགག་མི་གཡོའ་དང་དང་རང་བཞིན་གྱིས།། ཡེ་ཤེས་ཟང་ཐལ་སྒྲིབ་མེད་ཀུན་ཏུ་གསལ།།
17b5 ཆོས་སྐུའི་ངཔལ་གཟུགས་སྐུ་རང་བཞིན་ཏེ།། ཡོད་པ་མེད་དང་མེད་པ་ཡོད་པའི་ས།། སྐུ་གསུམ་དབྱེར་མེད་རབ་བཞིན་ཡེ་ཤེས་བདག། མིག་གི་སྒྲོན་མ་དོན་གྱིས་དགོངས་པ་ཡིན།། ཡོན་ཏན་མི་འགྱུར་རང་རིག་ཡེ་ཤེས
17b6 ཏེ། སྐུ་གསུམ་སྦུབ་སུ་དེའི་གནས་སྐབས་བརྟན།། དེ་མཚོན་ཕྱི་ནང་གསང་བ་འདུས་པ་བསྟན།། ངོ་མཚར་ཐབས་ཀྱི་སྙིང་པོ་དོན་དང་འཇལ།། འཕྲུལ་གྱི་ཡི་གེ་དོན་གྱི་དགོངས་པ་ཡིན།། མ་རིགས་ཡེ་ཤེས་མཐར་ཐུག
iiif viewer powered by OpenSeadragon
