| e-texts navigator |
| Wylie |
17a1 སྒོ་གསུམ་གྱི་ལས་ལ་སྐྱོན་དུ་མི་ལྟ་བས་མི་བྱ་བ་ཡང་མེད་དེ། ཚོགས་རྣམ་གཉིས་རྫོགས་པར་བྱ་བ་འམ་སྒྲིབ་པ་བྲི་བར་བྱ་བའང་མེད་དེ། ཆོས་ཉིད་ལ་འབྲི་བ་འམ་འཕེལ་བ་མེད་ཅེས་འབྱུང་བ་ལྟ་བུའོ།། ཚུལ་བཞིན་ཏུ་བསྒོམས་བརྟགས་ཇི་ལྟ
17a2 བུ་དག་འབྱུང་ཞེས་ན། ཆེན་དུ་རྩོད་བྲལ་ཡིད་ལ་མི་བྱེད་ཅེས་ཀྱང་མི་འཁྲུགས་མཉམ་ཤེས་དང་། དེ་ལྟར་གོང་དུ་བསྟན་པ་བཞིན་དུ་མ་ནོར་བར་བསྒོམས་ཏེ། མཉམ་པར་ཤེས་དང་། རྟགས་འདི་དག་འབྱུང་སྟེ། གང་ལའང་ཆགས་དང་ཡུལ་གྱིས་ཆོས་སྐྲག་མེད
17a3 དེ་མི་འབྲལ་མི་གནས་ཤིང་། དངོས་པོ་གང་འང་འདོད་ཅིང་ཆགས་པ་དང་། ཡུལ་གྱི་དངོས་པོ་རྣམས་ཇི་ལྟ་བ་བཞིན་དུ་རིག་པས་མོས་ཤིང་གཏི་མུག་པ་ཡང་མེད། གང་གི་ངོ་བོ་ཉིད་ཀྱང་མ་ཡིན་པས་གང་ལ་ཡང་མི་འདོད་པ་འམ། སྐྲག་པ་མེད་དེ། དེའི་ཕྱིར
17a4 གང་དང་ཡང་མ་བྲལ་བར་མི་བྱེད་པ་དང་། གང་ལའང་དགའ་ཞིང་ཆགས་པ་མེད་པ་ཆོས་གང་ལ་ཡང་གནས་པར་མི་བྱེད་དོ།། མི་འཕྲོགས་མཉམ་ཤེས་བཞི་པོ་ཕྱོགས་དང་ཕ་རོལ་ཕྱིན་རྣམས་དེར་ཤེས་ཏེ། མི་མཐུན་པའི་ཕྱོགས་ཀྱིས་མི་འཕྲོགས་པའི་ཆོས་ཇི་སྐད་དུ་བསྟན
17a5 པ་སྟེ་འདུས་ཤིང་འུབ་པར་རང་གི་རིག་པས་ཤེས་ཏེ། སེམས་ཀྱི་དབྱིངས་བསྒོམས་པས་ལམ་གྱི་གཞན་དུ་བསྒོམ་པས་འོད་གསལ་མི་འགྱུར་རོ།། ཆོས་ཐམ་ཅད་ནི་སེམས་ཀྱི་ངང་དུ་འདུས་པས། སེམས་ཉིད་ལ་གོང་ཏུ་ཇི་སྐད་བསྟན་པ་བཞིན་དུ་དོན་ལྟར་བསྒོམས་པས། མ་ནོར་བའི
17a6 ལས་དུ་གྱུར་གྱི་གཞན་ཞིག་ཏུ་བསྒོམས་ན། གང་ལྟར་བསྒོམས་ཀྱང་ཡང་དག་པའི་དོན་ལ་གསལ་ཞིང་རིག་པར་མི་འགྱུར་རོ།། བཅུ་གཉིས་ལས་བརྒྱད་པ། བརྒྱུས་པའི་ཐབས་ཀྱིས་ངེས་པའི་དོན་རྟོགས་པར་བྱ་བའི་ཐབས་ཇི་ལྟ་བུ་ཞེ་ན། བརྡལ་ཅན་ཡང་དག་ལེན
iiif viewer powered by OpenSeadragon
