| e-texts navigator |
| Wylie |
4b1 ཁོ་ན་ཉིད་དུ་གནས་སོ།། བསྒོམ་པའི་ཉམས་ནི། བསྒོམས་དང་མ་སྒོམ་པ་ལས་གཉི་སུ་མེད་པར་ཆོས་ཉིད་ལས་མི་གཡོ་བའོ།། ཆོས་རྣམས་ཀྱི་ཆོས་ཉིད་སྟོང་པ་ཉིད་དུ་ཡེ་ནས་གནས
4b2 པར་རྟོག་པའོ།། སྐུ་ནི་གཉིས་མེད་ཆོས་ཀྱི་སྐུ་ཐོབ་སྟེ། སྣང་བ་དང་མི་སྣང་བ་ཀུན་ཆོས་ཉིད་དུ་རང་དག་པའོ།། ཡེ་ཤེས་ནི་གོས་པ་མེད་པའི་ཡེ་ཤེས་སྐྱེ་སྟེ། ཐམས་ཅད་ཆོས་ཉིད
4b3 ཡིན་པ་མེན་པར་རྟོགས་པའོ།། སྒྲིབ་པ་ནི་ཤེས་བྱའི་སྒྲི་བ་དག་པའོ།། དེ་ལྟ་བུའི་གང་ཟག་དེ་ནི་རྣམ་པ་ཐམས་ཅད་མཁྱེན་པའི་དེ་བཞིན་གཤེགས་པའི་རིགས་སོ།། ཆོས་ཐཾད་ཆོས
4b4 ཏིད་དུ་མཁྱེན་པས་རྟོགས་བྱ་དང་རྟོགས་བྱེད་གཉི་སུ་མེད་དོ།། ཉིན་གྱི་རྣལ་འབྱོར་པའི་མན་ངག་ཐུགས་ཀྱི་རྣ་རྒྱུད་འདི།། སངས་རྒྱས་སྣང་བ་ཆོས་ཉིད་དུ་བྱིན་གྱིས་བརླབས་པ་དང་སེམས
4b5 ཡེ་ཤེས་སུ་བྱིན་གྱིས་བརླབས་པ་དང་། རྡོ་རྗེ་སེམས་དཔའི་བྱིན་རླབས་ཀྱིས། སློབ་དཔོན་དགའ་ར་བ་རྡོ་རྗེ་ལ་ཞལ་བསྟན་པའི་མན་ངག་རྫོགས་སོ།། །
4b6 རྡོ་རྗེ་སེམས་དཔའི་བྱིན་རླབས་ཀྱིས། དགའ་རབ་རྡོ་རྗེ་ལ་ཞལ་བསྟན་པ། མཚན་གྱི་རྣལ་འབྱོར་བྱ་བ་ལ་གཉིས་ཀྱི། སྲོད་ཀྱི་རྣལ་འབྱོར་བྱ་བ་དང
iiif viewer powered by OpenSeadragon
