| e-texts navigator |
| Wylie |
27b1 ཆེན་སེམས་ཉིད་ཁོང་དུ་ཆུད།། སྣང་བའི་སྣང་བ་ཅི་འགྱུར་ཡང་།། ཡིད་ལ་མི་བྱེད་རང་བཞག་ན།། འཛིན་པའི་དྲི་མ་རྣམ་པར་དག། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས།། དཀྱིལ་འཁོར་གསང་བའི
27b2 ལེའུ་སྟེ་དགུ་པའོ།། །། དེ་ནས་རིག་པའི་རྒྱལ་པོས། སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ།། སེམས་ཉིད་གསང་བ་སྔགས་ཀྱི་ལྷ།། རང་བཞིན་དྲག་པས་སྦྱང་མི་དགོས།། ལྡན་པ
27b3 དེ་ཉིད་ཙམ་དུ་ཟད།། རང་རིག་རྫོགས་པའི་ཡེ་ཤེས་ལ།། ངོ་བོར་གྲུབ་པ་གང་ཡང་མེད།། རྟོག་པའི་མཐུ་ཡིས་ཅིར་ཡང་མཐོ།། མེ་ལོང་དག་པའི་གཟུགས་བསྙེན་ལྟར།། ཡེ་ཤེས་གསང་བའི་གདམས་པ་ཡིས།། རིག་པའི
27b4 ཡེ་ཤེས་ཀུན་ཏུ་བཟང་།། ཡི་གེ་མེད་པའི་དོན་དུ་མཐོང་།། རང་གསལ་རྗེས་སུ་རང་བཞག་ན།། ཡེ་ཤེས་རྫོགས་པ་རྗེས་སུ་དཔགས།། རང་རིག་རྫོགས་པ་ཉིད་ན་གསལ།། ཡེ་གསལ་རིག་པའི་འཁོར་ལོ་ལ།། འདོད་པའི་བློ
27b5 ཡིས་གང་བརྩོལ་བ།། རང་འདོད་ཐེག་པའི་ཁྱད་པར་ནི།། གསང་བའི་དོན་ལ་མ་ལུས་སྟོང་།། འདོད་པའི་སྟོབས་ཀྱིས་འཕངས་ནས་བརྩོལ།། རང་གསལ་འཁོར་ལོའི་དོན་དང་འགལ།། འདོད་རྒྱུས་གསལ་བའི་ཡེ་ཤེས་ཀྱང
27b6 རྩོལ་བ་ཉིད་ལས་འདའ་བ་མེད།། རྫོགས་པའི་ཡེ་ཤེས་བདེ་ཆེན་ནི།། རང་བཞིན་རིག་པའི་འཁོར་ལོས་དག། རྣམ་དག་རང་བྱུང་འོད་གསལ་ལ།། བློ་བུར་སྒྲིབ་པ་ངང་གིས་མེད།། རང་བཞིན་མ་ཡིན་རྐྱེན་གྱི་སྣང་།། རང་བཞིན་ངོ་བོ་གང་དག།
iiif viewer powered by OpenSeadragon
