| e-texts navigator |
| Wylie |
26b1 ལག་ཀུན་དང་བྲལ།། བསྟན་པའི་རྣམ་པ་མ་ལུས་ཀུན།། ཡེ་ཤེས་རིག་པའི་བཀའ་ལ་རྫོགས།། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས།། སྤྱོད་པ་བསྟན་པའི་ལེའུ་སྟེ་བརྒྱད་པའོ།།
26b2 དེ་ནས་རིག་པའི་རྒྱལ་པོས།། རང་བྱུང་རྫོགས་པའི་དཀྱིལ་འཁོར་འདི་བཀའ་སྩལ་ཏོ།། སེམས་ཉིད་འང་བྱུང་དཀྱིལ་འཁོར་ནི།། མ་བཅོས་རིག་པ་ལྷན་གྲུབ་སྟེ།། མཐའ་དབུས་མེད་པའི་གཞལ་ཡས་ན།། རང་དབང་ཡེ་ཤེས
26b3 རྫོགས་སངས་རྒྱས།། རང་བྱུང་རིགེ་པ་འཁོར་མཐའ་མེད།། ལྷུན་གྲུབ་ཕོ་བྲང་ཆེན་པོ་ནི།། སྤྱན་དྲངས་མ་ཡིན་ཡེ་སངས་རྒྱས།། རང་བྱུང་གསལ་བའི་སྔགས་ལྡན་པའི།། ལྷའི་སྙིང་པོ་དབུལ་མི་དགོས།། བདེ་ཆེན
26b4 གསལ་བའི་དོན་ལྡན་པས།། ཡེ་ཤེས་གསང་བའི་དཀྱིལ་འཁོར་མཉེས།། རང་བྱུང་གསལ་བའི་སེམས་ཉིད་ཀུན་གྱི་ལྷ།། དུས་གསུམ་འདུ་འབྲལ་མེད་པར་ཐུགས་དམ་མོ།། རྣམ་དག་རིག་པ་ཀ་དག་ལ།། ཉེས་པའི་དྲི
26b5 མ་དང་བྲལ་བ་ཡིས།། ཡེ་ཤེས་དམ་ཚིག་རྣམ་པར་དག། བརྗོད་མེད་རིག་པའི་དོན་མཐོང་ན།། རང་བྱུང་གསང་བའི་དམ་ཚིག་ཐོབ།། རང་བཞག་སེམས་ལས་མི་འདའ་ན།། མི་རྟོག་དམ་ཚིག་ཉིད་ཡིན་པས།། རང་བྱུང་ངམ
26b6 ཚིག་རྣམ་པར་དག། མི་རྟོག་ཡེ་ཤེས་འཛིན་བྲལ་ལ།། བསོད་ནམས་ཡེ་ཤེས་ལྷུན་གྱི་གྲུབ།། རྡོ་རྗེ་གསང་བའི་དཀྱིལ་འཁོར་ནི།། འགྱུར་མེད་རང་བྱུང་ཀུན་ཏུ་བཟང་།། ཡེ་ཤེས་གསང་བའི་དཀྱིལ་འཁོར་རོ།། མཐའ་དབུས
iiif viewer powered by OpenSeadragon
