| e-texts navigator |
| Wylie |
22b1 ཐོགས་མེད་རང་བྱུང་ཕྱོགས་དང་བྲལ།། བྱང་ཆུབ་རང་སེམས་ཁོ་ན་པས།། ལམ་གྱི་མ་བཅོས་ཡེ་སངས་རྒྱས།། གང་ཡང་རྣམ་པ་ཅིར་རྟོགས་ཀྱང་། རང་རིག་བདེ་ཆེན་མངོན་གསུམ་གསལ།། འདོད་པའི་སྐབས་བྲལ་གང་མཐོང་ཚོར།།
22b2 རང་བཞག་ཡེ་ཤེས་རྫོགས་པ་མཐོང་།། བརྩལ་མེད་རང་བྱུང་རྡོ་རྗེའི་བདག། སྐྱེ་མེད་རྡོ་རྗེ་མི་འགྱུར་འཆང་།། ལྷུན་གྲུབ་རིན་ཆེན་འབར་བའི་འོད།། དྲི་མེད་པདྨ་རང་བྱུང་བདག། བརྩལ་མེད་ལམ་གྱིས་འཛིན་དང
22b3 བྲལ།། འཛིན་མེད་འཁོར་ལོ་འབར་བའི་སྐུ།། དུས་གསུམ་ཉིད་དུ་འདའ་བ་མེད།། ཅེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས།། ཏིང་ངེ་འཛིན་ཡེ་ཤེས་སུ་སྙན་པའི་ལེའུ་སྟེ། བཞི་པའོ།།
22b4 དེ་ནས་རིག་པའི་རྒྱལ་པོས།། ཡང་སེམས་ཉིད་ཕུན་གསུམ་ཚོགས་པའི་དོན་གསལ་བར་བྱ་བའི་ཆེད་དུ་འདི་སྐད་ཅེས་གསུངས་སོ།།
22b5 རང་བྱུང་རྣམ་དག་ཡེ་ཤེས་སྐུ།། བརྗོད་མེད་རིག་པའི་བསྟན་པ་བཀྲམ།། རང་སྣང་རིག་པ་སྨིན་པའི་འཁོར།། ཡེ་ཤེས་རྫོགས་པའི་རོལ་པ་བཤད།། རང་བྱུང་འོད་གསལ་གཅིག་ལས་ཚོགས།། རྩོལ་བྱས་དམན་པའི
22b6 འདུལ་འཁོམ་ལ། བློ་དང་མཐུན་པར་བསྐམ་པ་བསྒྲགས།། ཞེས་གསུངས་སོ།། དེན་པ་སེམས་དཔའ་རྡོ་རྗེབ་འདིམེད་ཅེས་ལུས་སོ།། ཡེ་ཤེས་སྦྱིན་པ་ར་བསྒོམ་པའི་ཐུགས།། དབྱེར་མེད་འང་བྱུང་ངོ་བ་ཉིད།
iiif viewer powered by OpenSeadragon
