| e-texts navigator |
| Wylie |
9b1 ཧཱབདུན་པའོ།། །། དེ་ནས་དེ་བཞིན་གཤེགས་པ་ཀུན་ཏུ་བཟང་པོས།། དབྱེར་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་འདི་སྐད་ཅེས་གསུང་སོ།། ཐམས་ཅད་རྣམ་དག་ཆོས་ཀྱི་དབྱིངས།།
9b2 རྙོག་བྲལ་ཡིས་བདེ་ཆེན་ལ།། གཉིས་འཛིན་ལོག་པའི་སྟོབས་ཀྱིས་བསྒྱུར།། རྣམ་རྟོག་འཁོར་བའི་གཡང་སར་ལྷུང་།། མི་གཡོ་དང་པོའི་རང་བཞིན་ལ།། རྐྱེན་གྱིས་བརླབས་སྣང་ཇི་བཞིན་ནོ།། རིན་ཆེན་དག
9b3 པའི་རང་བཞིན་ལ།། གང་དག་ཕྲད་པྲ་ར་དེ་རུ་གྱུར་ཀྱང་།། དེ་དག་ཡིནི་པས་སྣང་འགྱུར་ཏེ།། མེན་པས་གང་གིས་ངོ་བོ་མན།། དེ་བཞིན་མ་བཅོས་ལྷན་གྲུབ་ལ།། ཡོན་ཏན་ལྷན་གྲུབ་རྫོགས་པའོ།། རྫོགས
9b4 པ་ཆེན་པོར་འགྲལ་འགྱུར་བས།། ཕྱིན་ཆད་མ་བརྩལ་རང་དགར་གནས།། བྱ་དང་མི་བྱ་མེད་པས་ན།། བླང་དོར་མ་ལུས་འཁོར་བའི་ལམྲ།། ཅེས་གསུངས་སོ།། ཀུན་འདུས་འོད་ཀྱི་གཏན་ཏྲ་ལས།། དེ་ཁོ་ན་ཉིད
9b5 སྙིང་པོའི་ལེའུ་སྟེ། བརྒྱད་པའོ།། ། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས།། ལྷུན་གྱིས་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུང་སོ།། གདོད་ནས་རྫོགས
9b6 པའི་སྙིང་པོ་ལ།། འབད་བརྩོལ་ཞེན་པ་མི་གནས་ཀྱང་།། ལྷུན་གྲུབ་བསམ་མི་ཁྱབ་སྦྱོར་བས།། བདག་གཞན་དོན་ཀུན་སྐད་ཅིག་རྫོགས།། མ་བཅོས་ཇི་བཞིན་འཕྲ་བ་ཡིས།། རྟོགས་སྤྱོད་འདུ་ཤེས་ཕྱོགས་དང
iiif viewer powered by OpenSeadragon
