| e-texts navigator |
| Wylie |
5a1 འགྱུར་མེད་ཡིས་མཁའ་ལྟར་དགསྙིང་པོ་རྫོགས་ལམ་བར་ཆད་མེད།། གང་ཡང་དམ་པར་མི་ལེན་པས།། དམན་པས་གཞན་དུ་དོར་བ་མེད།། ཡས་ལྔ་རྫོགས་སྙིང་པོ་ཉིད།། མ་འདྲེས་དབྱིངས་ལ
5a2 རྫོགས་པའི་རྒྱུན། ཟབ་མོ་ཀུན་འདིས་སེམས་ཀྱི་གཏེར།། རྡོ་རྗེ་བླ་མའི་ལུང་ཐོབ་ཅིང་།། ངེས་པའི་བློ་དང་ལྡན་པ་སྭ་ན།། དབུལ་པོ་གཏེར་དང་ཕྲད་པ་ལྟར།། མཐོང་བ་ཙམ་གྱིས་ཆོག་པ་ཡིན།། ངེས་པའི་བློ་དང་ལྡན་མེད་ཅིང་།།
5a3 ཐེག་ཆེན་རྫོགས་པའི་རིགས་མེད་ནི།། ཡོད་པ་གཏར་དང་ཕྲད་པ་ལྷུར།། བསྟན་ཀྱང་ཤེས་པ་རུ་ག་ལ་འགྱུར།། མི་སྐྱེ་མི་འགག་སྙིང་པོ་ལ།། རང་བྱུང་ཡིས་གསལ་བར་གནས།། ཡིད་བཞིན་ནོར་བུའི་སྙིང་པོ་ལྟར།། འཕེལ་དང
5a4 འགྲིབ་པ་ག་ལ་ཡིན།། ཞེས་གསུངས་སོ།། ཀུན་འདུས་འོད་ཀྱི་ཏན་ཏྲ་ལས།། རང་བྱུང་ཡིས་བསྟན་པའི་ལེའུ་སྟེ་གསུམ་པའོ།། །། དེ་ནས་དེ་བཞིན་གཤེགས་པ་ཀུན་ཏུ་བཟང་པོས།། དོན་གྱི་སྙིང་པོ་ཞེས
5a5 བྱའི་ཏིང་ངེ་འཛིན་ལ་སྙོམས་པར་ཞུགས་ནས།། འདི་སྐད་ཅེས་གསུངསོ།། ཐོག་མཐའ་མེད་པའི་ངོ་བོ་ནི།། ཀུན་བཟང་རིག་པའི་འཁོར་ལོ་སྟེ།། དུས་གསུམ་སྟོང་པར་གནས་པའི་ཕྱིར།། སྟོང་དང་མི་སྟོང་ཡུལ་ལས་འདས
5a6 སངས་རྒྱས་སེམས་ཅན་དབྱེར་མེད་དེ།། དེ་བཞིན་ཉིད་དུ་ཅིག་པའི་མཚན།། ཐེག་པ་མཁའ་འདྲ་ལྟོ་པོ་ཆེ།། སྟོང་པ་ཉིད་དུའང་མི་གནས་པས།། སྐུ་གསུམ་མཚན་མར་རྟགས་པའི་ཡམ།། ཐོབ་པར་བྱ་བའི་ཡུལ་མེད་པས།།
iiif viewer powered by OpenSeadragon
