| e-texts navigator |
| Wylie |
4b1 འདི་སྐད་ཅེས་གསུང་སོ།། ཆོས་རྣམས་མ་ལུས་ཇི་སྙེད་པ།། རྒྱུ་ལ་མི་བལྟོས་སྙིང་པོའི་སྙིང་།། རྐྱེ་མ་ལ་མི་ལྟོས་འབྲས་བུའི་འབྲས།། གསང་བའི་གསང་བ་མཁའ་ལྟར་དག། ཐེག་པའི་སྙིང་པོ་རྫོགས་པའི་ལུང་།། མ་ལུས་ཅིག་དང་ཐ
4b2 དད་མེད།། ཡཾས་མཁའ་འདྲ་ཁྱབ་པའི་ཀློང་།། བསྟན་པའི་རྩ་བ་ཆོས་ཀྱི་དབྱིངས།། དུ་ཁྲོད་བརྡལ་བའི་སྙིང་པོ་མཆོག། ཡུལ་སེམས་བྲལ་བའི་རང་བཞིན་གྱིས།། དེ་བཞིན་ཉིད་དེ་སྒྲོ་སྐུར་མེད།། ཐག་ཆེན་སེམས་ཉིད
4b3 མཁའ་ལྟར་དག། མ་འདྲེས་གསལ་བར་སྣང་བའི་ཕྱིར།། ལྷུ་མ་གྲུབ་རོལ་པ་ཅིར་ཡང་སྡང་།། སྙིང་པོ་ཅིག་ཏུ་ཀུན་རྫོགས་པས།། རྫོགས་ཁྱབ་བརྡལ་བ་ཆོས་ཀྱི་སྐུ།། རྒྱུ་དང་རྐྱེན་ལས་མི་ལྟོས་པས།། མི་འཇིག་རྡོ་རྗེ་འགྱུར་བ་མེད།
4b4 མི་བསྒྲིབས་གསལ་བར་ཀུན་མཁྱེན་པས།། ཡིས་ཀུན་གསལ་མཆོག་གིས་དང་།། ཐཾད་སམ་སུ་ལྷུམ་གྲུབ་པས།། སངས་རྒྱས་སེཾན་གཉིསུ་མེད།། མ་བཅོས་བསམ་སྤྱོད་ཀུན་བྲལ་བས།། ཆོས་ཉིད་སེམས་ཉིད་གཉིསུ་མེད
4b5 བདེ་ཆེན་རིག་པར་འོད་གསལ་བས།། བཏང་སྙོམས་སྟོང་པ་རྣམ་པར་གཅད།། རིག་པ་འཁོར་ལོ་གཏེར་གྱི་མཆོག། མ་བསྐོར་ཞི་བ་དབྱིངསུ་འཁྱིམ།། འཁོར་ལོ་འོད་འབར་སྙིང་པོ་ཅན།། མཚན་དང་དཔེ་བྱད་ཀུན་ལས་འདས།། ཆེ་བའི
4b6 ཆེ་མཆོག་ཆོས་ཀྱི་སྐུ།། དུས་གསུམ་འདུ་འབྲལ་མེད་པ་གནས།། རྫོགས་པ་ཀུན་འབྱུང་ལམ་གྱི་ཕུགས།། ཞེན་པའི་དུས་ཅིག་བཤད་པའི་ཕྱིར།། མངོན་གསུམ་རྫོགས་པར་རང་ལ་གནས།། ངེས་སྐྱེད་པ་དེ་མ་ཐག
iiif viewer powered by OpenSeadragon
