| e-texts navigator |
| Wylie |
4a1 མ་བཞག་རང་གསལ་མི་གཡོ་བས།། ལྟ་ཞིང་བསྒོམ་དུའང་ཡོད་ཡིན།། ཡས་སྲོག་གིས་ཀུན་ཟིན་པས།། སྐྱེ་ཤི་ཐ་སྙད་ཡུལ་ལས་འདས།། ཐེག་ཆེན་སྙིང་པོའི་ལམ་རྟོགས་པས།། བརྒྱུད་པའི
4a2 ལམ་ལ་འཇུག་མེད་བྱེད།། མ་བྱས་དོན་ཀུན་ལྷུན་རྫོགས་པས།། སྒོ་གསུམ་བརྩལ་པའི་འདུ་ཤེས་བཅད།། ཏིང་འཛིན་རིག་པའི་འཁོར་ལོ་ལ།། སྒྲོ་སྐུར་མཚན་མའི་ཆོས་མི་གནས།། མི་བསྐྱོད་བདེ་ཆེན་རྒྱལ་པོ་ལ།།
4a3 གྲར་ལྟར་གནས་ཀྱང་ཉམས་མི་པ།། དངོས་པོ་ཕྱི་ནང་ཆོས་ཀུན་ནི།། གདོད་ནས་དྲི་མེད་དག་པ་ལ།། དེ་ཡང་དངོས་གྲུབ་མ་ཡིན་པས།། གང་ལྟར་མ་བཅོས་ཡིན་པར་དབྱེ།། བྱས་ཀྱང་སྒྲིབ་པར་མི་འགྱུར་ལ།། མ་བྱས་གོལ་བར
4a4 མི་འགྱུར་གྱིས།། རྡོ་རྗེ་སྙིང་པོ་བསྟན་པ་ཅན།། ངེས་པའི་དོན་ལས་མ་ཡེངས་ན།། ཆོས་ཉིད་དོན་ལས་མ་འདས་པས།། གང་ཡང་མ་བཅོས་བཞག་པར་བྱ།། མཐོང་དང་མ་ངེས་པར་མཚམས་སུ།། བདེ་བ་ཆེན་པོའི་དོན་འཆར
4a5 ཞིང་།། འབད་རྩོལ་མེད་པར་ལྷུན་གྱིས་གྲུབ།། གང་དགར་བཞག་ཀྱང་གཡོ་མི་འགྱུར།། ལྟ་དགོངས་དབྱེར་མེད་གང་རྟོགས་པས།། དུས་ཅིག་རྣམ་གྲོལ་ལྷ་མགྲུབ་པའོ།། ཞེས་གསུངས་སོ།། ཀུན་འདུས་འོད་ཀྱི་ཏ་ན་ཏྲ་ལས།།
4a6 ལྟ་དགོངས་དབྱེ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ་རང་བྱུང་ཡིས་བསྟན་པའི་ཏིང་ངེ་འཛིན་ལ་སྙོམས་པར་ཞུགས་པས།།
iiif viewer powered by OpenSeadragon
