| e-texts navigator |
| Wylie |
17b1 ཤེས་པ་ཟློག་པའི་བརྡ་ཡིས་བསྟན།། བཏང་སྙོམས་ཆེན་པོའི་གདམས་ངག་ནི།། མཁའ་གྲོ་རྒྱུད་ཀྱི་བརྡ་ཡིས་བསྟན།། གཡོ་མེད་བུ་མ་ཆུའི་གདམས་ངག་ནི།། ཐིག་ལེ་དབུས་གནས་ལག་བརྡས་བསྟན།། དྲན་པ་རྒྱུན་ཆགས་གདམས་ངག་ནི།། དགུ་བརྡམས།
17b2 པཔ་ཡིས་གདམས་པས་བསྟན།། གཏི་མུག་ལ་མ་ཁྱེར་གདམས་ངག་ནི།། དྲན་པས་མེ་ལོང་བརྡ་ཡིས་བསྟན།། ཚོགས་དྲུག་རང་སཱར་གྲོལ་བ་ནི།། སྣ་ཚོགས་ཅི་རུང་བརྡ་ཡིས་བསྣུན།། དུག་ལྔ་རང་སར་གྲོལ་བ་ནི།། དངུལ་དཀར་མ་ལོང་བརྡ་ཡིས་བསྟན།།
17b3 ང་སྒོ་དག་ལ་བརྟེན་པ་ནི།། རླུང་དང་འཁོར་ལོ་བརྡ་ཡིས་བསྟན།། འོག་སྒོ་དག་ལ་བརྟན་པ་ནི།། བོ་ལ་ཀ་ཀོ་ལ་ཡིས་བསྟན།། དཀྱོར་དྲུག་གི་གདམས་དག་ནི།། སྤྱོད་ཡུལ་དྲག་གི་བརྡ་ཡས་བསྟན།། སྐྱེས་པ་སྐྱེ་མེད་གདམས་ངག་ནི།། ཕྱག་རྒྱ་བསྐྲང་པའི
17b4 བརྡ་ཡིས་བསྟན།། འགག་མདོ་རོལ་པའི་གདམས་ངག་ནི།། རྡོ་རྗེ་གདན་གྱི་བརྡ་ཡིས་བསྟན།། གཉི་སུ་མེད་པའི་གདམས་ངག་ནི།། ཡི་གེ་ཨ་ཡི་བརྡ་ཡིས་བསྟན།། བརྡ་སྤྲད་བརྡ་ནི་བུ་པ་དང་།། བརྡ་བྲལ་ཀློང་དུ་བཞག་པར་བྱ།། ཀུན་དགའ་སྙིང
17b5 པོ་འདི་ལྟར་ཏེ།། མཚན་དོན་མིང་དེ་བརྒྱད་དུ་བཟུང་།། མ་བཅོས་ལྷུན་གྲུབ་ཟབ་མོའི་ཕྱིར།། མ་བཅོས་ཡེ་ཤེས་གསང་བའི་རྒྱུད།། ཉོན་མོངས་ཞེན་པའི་ཕྲེང་ཐག་གཅོད།། དེ་ཕྱིར་ཡས་རྫོགས་པའི་རྒྱུད།། ཀུམ་ཏུ་བཟང་པོ་རིག་པའི་ཐུགས།
17b6 ཡིས་འོད་ཀྱི་རྒྱུད་ཅེས་བྱ།། ཀུན་འདུས་མཉམ་པ་ཆེན་པོ་ཡིས།། རྒྱ་མཚོ་ལྟར་མཉམ་རྙོག་མེད་རྒྱུད།། ཆོས་རྣམས་གསལ་བའི་ཡིས་སྒྲོན།། ཉི་ཟླ་ལྟ་བུར་དྲི་མེད་རྒྱུད།། འདི་ལ་མཐའ་དབུས་མེད་པས་ནི།། ན་མཁའ་མཐའ་དང་མཉཾ་བཱི་རྒྱུད།།
iiif viewer powered by OpenSeadragon
