| e-texts navigator |
| Wylie |
17a1 དོན་ལ་འགྱུར་བ་མེད་པའི་ཕྱིར།། ནམ་མཁའ་བཞིན་དུ་འཇིགས་འདྲལ་མེད།། གདོད་ནས་ཆོས་ཉིད་སྤྲོས་དང་བྲལ།། གཞན་གྱིས་ནུབ་པར་མི་འགྱུར་ཏེ།། རྣ་བརྒྱུད་འཕྲུལ་ཚིག་མི་ལྡན་པར།། སྒྲ་བཞིན་སྤྱད་ནས་སྒྲུབ་དང་།། ལྟ་སྤྱོད་ལོག་པའི།
17a2 ང་རྒྱལ་ཅན།། མ་བཅོས་རང་སྣང་རོལ་པ་དང་།། རྣམ་རྟོག་ཞེན་པའི་རྟགས་པ་དག། བྱེ་བྲག་མ་ཕྱད་རྨོངས་པའི་བློས།། བབ་ཅོལ་བསྲེས་ནས་ལོག་པར་སྨྲས།། རྒྱ་མཚོར་ལྷུང་གི་ཕ་བོང་བཞིན།། རྡོ་རྗེའི་ཁབ་ཏུ་ཧ་ར་ཧ་ན།། དེས་ན་ཐོས་བསམ་སྒོམ
17a3 གསུམ་གྱིས།། གཏན་ལ་ཕོ་བ་ལ་ཉམ་སུ་ལོང་།། ཞེས་བཀའ་སྩལ་ཏོ།། གསལ་བ་མཐའ་དང་མཉམ་པ་ལས།། ལུང་བསྟན་རྡོ་རྗེའི་ལེའུ་སྟེ། བཅུ་བདུན་པའོ།། །། དེ་ནས་སེམས་དག་ལྷའི་བུས།། བརྡ་དང
17a4 མཚན་གྱི་བཤད་པ་དེ།། བཅོམ་ལྡན་འདས་ལ་ཡང་ཞུས་པ།། གསང་བའི་བདག་པོས་ཡང་དག་བཤད།། ཨ་ནི་སྐྱེ་བ་མེད་པ་ལས།། ཏི་ནི་འགག་པ་མེད་པའི་བརྡ།། ཡོ་ག་རྫོགས་ཆེ་ན་ཆོས་ཀྱི་རྩི།། ཤིན་ཏུ་རྐྱོང་ལྕི་སྒྲ།། ལྷ་ཡི་བུ་ཁྱོད་འདི་ལྟ་སྟེ
17a5 དགྲ་གཉེན་མེད་པར་གོམས་གྱུར་ན།། འདི་དང་བར་མ་དོ་ལ་གྲོལ།། གྲོལ་ནས་གྲོལ་བའི་ལམ་ཡང་སྟོན།། སྤྲད་པ་གསུཾ་གྱི་གདམ་ངག་གིས།། རྡོ་རྗེ་ས་དེའི་ཁང་པ་བསྟན།། ཐིག་ལེ་ཁོང་དུ་གདམས་པ་ནི།། ཟག་མེད་ཡིས་བདེ་བར་སྟོན།། སྐུ་གསུང
17a6 ཐུགས་ཕྲད་ཉམས་མྱོང་གིས།། ན་མཁའ་རྒྱ་མཚོ་ནོར་བུ་བསྟན།། དམིགས་པ་སྤོ་བའི་བསམ་གཏན་གྱིས།། ཤེས་པ་དྲིམས་པའི་བརྡ་ཡུབ་སྟན།། ཚོར་བ་རྗེས་མེད་སྒོམ་པ་ནི།། ཕྱོགས་མེད་ལོག་པའི་བརྡ་ཡིས་བསྟན།། དུས་ཚོད་བཞི་ཆའི་རིག་པ་ནི
iiif viewer powered by OpenSeadragon
