| e-texts navigator |
| Wylie |
8a1 རྩལ་དུ་མེད་དེ་ལྷུན་གྱིས་གྲུབ།། བསྒྲུབ་ཏུ་མེད་དེ་ཡེ་སངས་རྒྱས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས།། རང་བྱུང་རྫོགས་པའི་ལེའུ་སྟེ་ལྔ་པའོ།། །
8a2 དེ་ནས་ཡབ་དེ་བཞིན་གཤེགས་པ་རང་བྱུང་རིང་བའི་རྒྱལ་པོས།། ཉིད་ཀྱི་རང་བཞིན་ཀུན་དུ་གསལ་བཛད་དེ།། འདི་སྐད་ཅེས་གསུངས་སོ།། དུས་གསུམ་རྒྱལ་བ་ཀུན་གྱི་ཡང་མེས་པོ།། རིག་པའི་རྒྱལ་དང་པོ་རང་བྱུང་བྱང་ཆུབ་སེམས།
8a3 ལྷུན་རྫོགས་བདེ་ཆེན་སེམས་ཉིད་རྫོགས་པ་ཉིད།། དུས་གསུམ་རྒྱལ་བ་ང་ཉིད་རྫོགས་སངས་རྒྱས།། མ་བཅོས་བྱང་ཆུབ་སེམས་ལང་ཞུགས་པས།། མ་མཐོང་མི་མཐར་འཁོར་བའི་འདམ་དུ་ཟིན།། མ་སྩལ་ལྷུན་གྱིས་གྲུབ་པར
8a4 རང་བཞག་པ།། སྐལ་ལྡན་རྒྱལ་སྲས་ང་ཡི་ཐུགས་སུ་འགྱུར་ཞེས་གསུངས་སོ།། དེ་ནས་བྱང་ཆུབ་སེམས་དཔའ་རིག་པའི་རྗེས་ཞུས་པ།། ཀྱཻ་དུས་གསུམ་རྒྱལ་བའི་རང་བཞིན་སྐུ་གསུང་ཐུགས།། རང་བྱུང་རིག་པའི
8a5 རྒྱལ་པོས་བསྟན་པ་ཁྱོད།། ཉིད་ཀྱི་ཐུགས་གཅིག་རང་བྱུང་ཡེ་ཤེས་ཉིད།། དགོངས་པའི་དོན་འདི་ཉིད་ཀྱིས་ཇི་ལྟར་རྟོགས།། ཞེས་གསུངས་སོ།། རིག་པའི་རྒྱལ་པོ་ཆེན་པོས་ལ་ན་སླར་གསུངས་པ།། ཀུན་གྱི་བདེ་མཆོག
8a6 ཕྱག་རྒྱ་འདི།། མ་ལུས་དགོངས་པའི་ངངལ་ཀུན་འདུས་པས།། བསམ་ཞིང་སྤྱད་པའི་འདུ་ཤེས་མི་གནས་ཏེ།། རང་བྱུང་འོད་ཀྱིས་ཀུན་ལ་ཁྱབ་པར་གསལ།། ཀུན་གྱི་རང་བཞིན་སྙིང་པོ་ཀུན་འདུས་པས།། གསང་བ་ཆེན་པོ
iiif viewer powered by OpenSeadragon
