| e-texts navigator |
| Wylie |
6b1 གྱིས་ལྡེ་མིག་གིས།། རང་བྱུང་ཐབས་ཀྱི་དཀྱིལ་འཁོར་སྒོ་ཕྱེ་ན།། མ་རྩལ་རང་བྱུང་ལྷུན་གྲུབ་བདེ་མཆོག་མཐོང་།། དུས་གསུམ་འདུ་འབྲལ་མེད་པ་རིག་པའི་གཏེར།། མ་བཅོས་ལྷུན་གྱིས་གྲུབ་པ་བརྩལ་དུ་མེད།། དམིགས་པའི་འདུ་ཤེས་ཆད
6b2 པས་ཡངས་སུ་མེད།། རང་བྱུང་གཅིག་ལ་རྣམ་པར་བགྲང་དུ་མེད།། གཉིས་མེད་ཐིག་ལེར་གནས་པས་བགྲོད་དུ་མེད།། འགྲོ་དོན་སེམས་སུ་གསལ་བས་བྱས་པས་ཟིན།། མ་ལུས་ལྷུན་གྱིས་རྫོགས་པས་འབྲས་མི་སྒྲུབ།།
6b3 མ་སྐྱེས་རྣམ་པར་དག་པས་སྒྲིབ་མི་སྦྱོང་།། མ་བྱས་རང་བཞིན་རྫོགས་པས་འཕྲིན་ལས་བྲལ།། འདི་ཉིད་རྟོགས་པས་ཀུན་སྒྲུབ་ཀུན་རྫོགས་པས།། རྫོགས་ཆེན་ཐིག་ལེ་གཅིག་ཏུ་གནས་པར་བཤད།། ཅེས་གསུངས་སོ།།
6b4 སྙིང་པོ་དོན་གྱི་རྒྱུད་ལས།། བྱང་ཆུབ་སེམས་རྟོགས་པར་བྱ་བའི་ཐབས་དང་རྟོགས་པའི་ཚུལ་བསྟན་པའི་ལེའུ་སྟེ། བཞི་པའོ།། །། དེ་ནས་ཡང་བཅོམ་ལྡན་འདས
6b5 རང་བྱུང་རིག་པའི་རྒྱལ་པོ་དེས། བདེ་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། བདེ་བ་ཆེན་པོ་རང་རིག་གསལ་བའི་ཐུགས།། གཉིས་མེད་དང་ལ་མ་ལུས་ཀུན་རྫོགས་པས།
6b6 སྙིང་པོའི་སྙིང་པོ་རང་བཞིན་སྟོང་པའི་ལམ།། བདེ་ཆེན་ན་མཁའ་མཐའ་དང་མཉམ་པའི་རོ།། སྙིང་པོ་མཆོག་སྟེ་དོན་ལ་རྫོགས་པར་གནས།། མ་སྐྱེས་འོད་གསལ་བདེ་བ་ཉིད་རྟོགས་ན།། བདེ་མཚོ་ན་མཁའི་ཁམསུ་མི་ཤོང་ངོ་།།
iiif viewer powered by OpenSeadragon
