| e-texts navigator |
| Wylie |
4b1 ཇི་བཞིན་རྟོགས་པའི་ཉམས་མེད་ན།། ཚིག་གི་བརྡའ་ཚིག་གྲང་བརྗོད་ཀྱང་།། བརྡའ་སྒོ་རྟག་པའི་རྗེས་སུ་འབྲང་།། བདེན་བྲལ་རྣམ་རྟོག་ལྕགས་ཀྱིས་བསྡམས།། རང་བྱུང་རིག་པའི་ཐིག་ལེ་ཡིས།། མ་ཁྱབ་པའི་ཆོས་མེད་པས།
4b2 སྤྲོ་བསྡུ་བྲལ་ལོ་དབྱིངས་ལ་རྫོགས།། བདེ་ཆེན་རིག་པ་རྡོ་རྗེའི་ལུང་།། མ་བཅོས་རང་གསལ་དབྱིངས་སུ་རྫོགས།། དེ་ལ་དེར་བཞག་དེརྱ་བཞག་ན།། འབད་པ་མེད་པ་ལྷུན་གྱིས་གྲུབ།། མ་སྩལ་ལྷུན་གྱིས་གྲུབ་པའི་ཕྱིར།། དཔེར་ན
4b3 ཉི་མའི་འོད་དང་མཚུངས།། མ་བཅོས་སེམས་ཀྱི་རང་བཞིན་དང་།། ཇི་བཞིན་རིག་པའི་གཏན་ཚིགས་ཀྱིས།། དེ་ཉིད་མ་ཡིན་གཞན་མིན་ཏེ།། གཉིས་མེད་རིག་པ་དུས་གཅིག་རྫོགས།། ཀུན་རྫོགས་བདེ་ཆེན་ཡང་དོག་མེད།།
4b4 རང་སེམས་ལྷུན་གྲུབ་སྙིང་པོ་ནི།། ཉམས་མྱོང་རིག་པ་དཔེ་བཞིན་ལྟར།། འོད་གསལ་འདུ་ཤེས་རྣམ་དྲལ་བས།། རང་གསལ་རིག་པ་དབྱིངས་ལ་རྫོགས།། རྒྱུད་པ་ཐབས་ཀྱི་ཆ་འཕྲུལ་ཚིག་གིས།། རང་བྱུང་འོད་གས
4b5 བདེ་ཆེན་ལ།། གཉིས་མེད་དོན་ལ་མི་གཡོ་ཡང་།། མ་སྩལ་ལྷུན་གྱིས་གྲུབ་པར་མཚོན།། ཐམས་ཅད་རྟོགས་པའི་ཐབས་ཡིན་པས།། གང་ལྟར་བདེ་བའི་དོན་ལ་འཇུག། འཐུན་འཇུག་སྤྱོད་པ་རྒྱ་མཚོ་ནི།
4b6 འདུལ་བའི་ཐབས་ལ་བཏམ་པ་ཡིན།། རིམ་པ་དུས་གཅིག་ཁྱད་པར་ནི།། རྟོག་པའི་ཁྱད་པར་ཆེ་ཆུང་གིས།། དངོས་པོ་གཅིག་ལ་དབྱེ་བ་ཡིན།། གཉིས་མེད་དོན་དུ་གསལ་བར་གཅིག། འདུ་ཐབས་ཐེག་པ་བསམ་ཡས་པ།།
iiif viewer powered by OpenSeadragon
