| e-texts navigator |
| Wylie |
3b1 ཐ་མ་དག་དག་པར་བལྟས་པས་དག་པ་རྙོག་པ་ལངས།། རྣམ་རྟོག་ཕྱག་རྒྱས་བཅིངས་པས་ཡེ་ཤེས་ཕྱག་རྒྱ་གཤིག། མ་བརྗོད་ཡེ་ཤེས་གསུང་མཆོག་བརྗོད་པས་ཉམས།། མཚན་མའི་དཀྱིལ་འཁོར་བསྒོམས་པས་ཡེ་ཤེས་དཀྱིལ་འཁོར་སྤངས།
3b2 བཏང་སྙོམས་སྟོང་ཉིད་བསྒོམས་པས་བདེ་མཆོག་ཕྱག་རྒྱ་བྲལ།། མཚན་མ་ཚིག་ལ་ཞེན་པས་མཐའི་བལྟ་བར་ལྷུང་།། གང་ཡང་མི་འབྱེད་བདེ་མཆོག་དབྱིངས་ལ་རོལ།། སྙིང་པོའི་སྙིང་པོ་རིག་པའི་ཡེ་ཤེས་ཉིད།། དོན་གྱི་དོན་ཏེ་ཀུན་དོ་མི་སེས
3b3 ལ་ཐུབ་རྒྱུད་ཀྱི་རྒྱུད་དེ་ཀུན་འབྲེལ་རང་བཞིན་རྫོགས།། བྱ་བྲལ་རྫོགས་ལུང་བདེ་མཆོག་ཕྱག་རྒྱས་བདབ།། ཡེ་ནས་མི་འདའ་ལྷུན་གྱིས་གྲུབ་པར་གསལ།། རང་བྱུང་གཅིག་ལ་ལྟས་དགུ་རང་སྣང་བ།། རྣམ་ལྷུན་གྲུབ་རོལ་པ་ངོ་མཚར་ཆེ།།
3b4 རང་བཞིན་གཅིག་ལ་ཡོན་ཏན་ཀུན་ཚང་བས།། མ་སྩལ་བཞག་པས་ཡོན་ཏན་རང་བཞིན་རྫོགས།། མ་བསགས་ལྷུན་གྲུབ་རང་བྱུང་འབྲས་བུ་ལ།། རག་ལས་མ་ཡིན་གདོད་ལ་ལྷུམ་རྫོགས་ཡིན།། སྦྱངས་ཐེབ་མ་ཡིན་དག་པ་བརྡ་འཕྲང
3b5 ཡིན། དམིགས་བྲལ་འདི་ཉིད་མཁའ་ལྟར་ཁྱབ་པར་གནས།། བསམ་མེད་བརྗོད་བྲལ་ཆོས་དབྱིངས་སྒྲ།། བརྗེད་པས་རིག་པའི་ཡེ་ཤེས་པརྙེད་མི་འགྱུར།། མ་རྩལ་རང་བཞག་བདེ་ཆེན་རྒྱས་ཐེབས་ནས།། ཐམས་ཅད་ཡེ་ཤེས
3b6 བདེ་མཆོག་ཕྱག་རྒྱར་གསལ།། སྟོང་མིན་མི་སྟོང་མི་ཡིན་དབུ་མ་མིན།། གང་ཡིན་དེ་ཡིན་བདག་གཞན་གང་ཡང་མིན།། བསམ་པ་ཀུན་བཟང་སྦྱོར་བའི་འདུ་ཤེས་མེད།། སྟོང་ཉིད་རང་གསལ་རང་རིག་བདེ་མཆོག་དབྱིངས།།
iiif viewer powered by OpenSeadragon
