| e-texts navigator |
| Wylie |
2b1 ནམ་ཡངས་རིག་པ་མཉམ་གནས་པ།། ཏི་འཛིན་འཁོར་ལོ་བརྟན་མི་དགོས།། རང་བྱུང་དགོས་པ་ཀུན་རྫོགས་པས།། མ་རྩལ་ལྷན་གྲུབ་རང་ལས་བྱུང་།། ཕྱག་རྒྱ་ཆེན་པོ་བདག་གནས་ཕྱིར།། མ་བསྒོམས་འདའ་བ་མེད་པའི་ངང་།། དངོས་གྲུབ
2b2 རིག་པའི་ཕྱག་རྒྱ་འདི།། ཡིས་སྙིང་པོ་འོད་འབར་བ།། ཀུན་གྱི་སྙིང་པོར་བདག་གནས་པ།། འདི་ཉིད་རང་བཞིན་གཏིང་དཔག་དཀའ།། ཐེག་གཅིག་སྙིང་པོ་རྫོགས་པ་ལ།། ཆོས་ཀུན་རྫོགས་ཏེ་ངོ་བོར་གནས།། དོན་ཀུན་ཡོངས་རྫོགས་ཐིག་ལེ་ལ།།
2b3 རང་བཞིན་གནས་པས་རིམ་པ་མེད།། སྙིང་པོ་རིག་པ་དོན་གྱི་རྒྱུད།། དེ་རྒྱུད་ཐེག་པའི་ཡང་སྙིང་འདི།། ཡེ་ཤེས་ཕྱག་རྒྱ་རྫོགས་པའི་མཆོག། མི་འདའ་དྲི་ཉིད་ཁོ་ནའི་དོན།། འདུ་ཤེས་སྦྱོར་བ་མ་ལུས་ཟད།། རྒྱུ་མེད་སེམས་ལ་རྐྱེན་བྲལ
2b4 བྲས་སྐྱེ་འཇིག་འགྱུར་བ་ག་ལ་ཡོད།། ཡེ་ནས་བྱས་ཟིན་བྱ་བ་མེད།། ལྷུན་གྱིས་རྫོགས་པ་བསམ་པ་མེད།། རོང་ལ་རྫོགས་པས་བསྒྲུབ་ཏུ་མེད།། དམིགས་མེད་དོན་ལ་སྒོམ་དུ་མེད།། དུས་གཅིག་རྫོགས་པས་བགྲོད་དུ་མེད།། ཡེ་ཤེས
2b5 རིག་པའི་ཕྱག་རྒྱ་ལ།། རྣམ་གྲོལ་འབྲས་བུ་ཀུན་རྫོགས་ལྡན།། གསང་བ་རང་བྱུང་རིག་པའི་སྒྲ།། བརྗོད་པ་མ་ཡིན་དོན་གྱིས་ཤེས།། འདི་ལྟར་གཅིག་ཏུ་གནས་པ་ལ།། མཐའ་དང་མཐོང་བ་འཁྲུལ་པའི་ལམ།། སྙིང་པོ་སེམས་ཉིད
2b6 རྫོགས་པ་ལ།། དྲན་དང་དབང་པོ་ཡིད་བྱེད་མེད།། ལུས་དང་ངག་སེམས་སྩལ་ནས་མང་།། ཅི་བདེར་གནས་པ་དགག་སྒྲུབ་མེད།། ཅེས་གསུངས་སོ།། སྙིང་པོ་རྣལ་མ་དོན་གྱི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །
iiif viewer powered by OpenSeadragon
