| e-texts navigator |
| Wylie |
12a1 རང་བཞིན་བཞག་པས་ན།། རང་བཞག་རིག་པ་ཡངས་མེད་རླུང་།། གོམས་པ་དྲན་པ་ཉིད་ཀྱི་གསལ།། རང་རིག་མཉམ་པའི་སྙིང་པོ་ལ།། བཅོས་མེད་ཀྱིས་ཅི་དགར་ཞོག། རྙོག་བྲལ་དངས་མ་གསལ་བའི་བློ།།
12a2 རྒྱུ་བས་ཤེས་ཤིང་བསལ་བས་མངོན།། དབྱིངས་སུ་ཐིམ་ཞིང་འོད་དུ་འབར།། དངས་སྙིགས་ཡེ་ཤེས་སྙིང་པོ་འདྲེས།། ཐིག་ལེ་རང་བཞིན་མེད་པར་ཐིམ།། རིག་པ་ཡེ་ཤེས་གསལ་བའི་སེམས།། མ་རྩལ་ལྷུན་གྱིས་གྲུབ་པར
12a3 གནས།། སེམས་ཀྱིས་སྒྲིབ་པར་མི་བྱ་ཞིང་།། ལུས་དང་ངང་ཀྱང་ཡལ་བར་བཞག། བཏང་ངོ་བཞག་གོ་བྱང་ཆུབ་སེམས།། དམིགས་དང་བྲལ་བ་རང་བཞིན་གནས།། དུས་གསུམ་འགྱུར་བ་མེད་པའི་བློ།། རིག་པ
12a4 གདེང་དུ་རྣམ་པར་དག། རྫོགས་པའི་ཡེ་ཤེས་ཀློང་དུ་འཇུག། ཇི་བཞིན་མ་བཅོས་གསང་བའི་སེམས།། འདུ་འབྲལ་མེད་པའི་དབྱིངས་ལ་གསལ།། རང་བྱུང་རིག་པ་འབྱིངས་ལ་རྫོགས།། ཞེན་མེད་སྣང་བ་རང་གི་སེམས།།
12a5 ཅི་དགར་བཞུག་པས་གཡོ་བ་མེད།། རང་རིག་ཡེ་ཤེས་བསམ་མི་ཁྱབ།། འདུ་ཤེས་མེད་པའི་དབྱིངས་ལ་འཇུག། བླང་དོར་མེད་པ་ཀུན་རྫོགས་པ།། མཚན་འཛིན་ཆེ་ཆུང་ཡོངས་ཀྱི་མེད།། དུས་གསུམ་གཅིག་ཏུ
12a6 བཞག་པའི་བློས།། མ་བཙལ་སེམས་ཀྱི་རང་བཞིན་གནས།། བདེ་མཆོག་མཉམ་པའི་སེམས་ཀྱིས་བལྟས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས།། རིག་པ་འདེ་བཞག་གི་ལེའུ་སྟེ་བཅུ་གཅིག་པའོ།།
iiif viewer powered by OpenSeadragon
