| e-texts navigator |
| Wylie |
11a1 ཆུ་དང་རྒྱ་མཚོ་རང་བཞིན་ལྟ།། དབྱེར་མེད་ཡེ་འབྱམ་རྨད་དུ་གྲགས།། དུས་གཅིག་སྙིང་པོ་རྫོགས་པའི་ལུང་།། རང་བྱུང་གཅིག་པས་ཁྱད་པར་མེད།། ལྷག་མ་མེད་པར་ཡོངས་སུ་རྫོགས།། མ་བཅོལ་ལྷུན་རྫོགས
11a2 དམ་ཚིག་ཡིན།། ཡེ་ཤེས་ཕྱག་རྒྱའི་རྒྱས་བཏབ་པས།། རིགས་མེད་རང་བྱུང་ཡེ་སངས་རྒྱས་ཞེས་གསུངས་སོ།། སྙིང་དོན་གྱིས་རྒྱུད་ལས།། འདར་མེད་རིག་པ་མཆོག་གི་ལེའུ་སྟེ་དགུ་པའོ།། །
11a3 དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་རིག་པའི་རྒྱལ་པོ་དེས་སྦྱང་ཞིང་འགྲོད་དུ་མེད་པའི་དོན་འདི་གསུངས་སོ།། བྱང་ཆུབ་སེམས་ཀྱི་རང་བཞི་མ་ལ།། རྒྱུ་རྐྱེན་འཇུག་པའི་རིམ་མེད་པས།། ལོག་པར་རྟོགས་པས་བཏགས་དབང་གིས།།
11a4 གྲངས་མེད་དོན་ལ་གྲངས་སུ་བགྲངས།། བགྲོད་མེད་གཅིག་ལ་རྩོལ་བར་བགྲོད།། རིམ་མེད་དོན་ལ་རིམ་པར་བལྟས།། སྙིང་པོ་གཅིག་ལ་མཐོང་ཚུལ་གྱིས།། བགྲོད་པའི་ལམ་ཚུལ་བསམ་མི་ཁྱབ།། སྙིང་པོ་གཅིག་ལ་ཅིར་བགྲོ
11a5 ཀྱང་། བགྲོད་བྲལ་རྫོགས་པས་དོན་མི་བརྙེད།། ཀུན་རྫོགས་བརྡལ་བ་ཆོས་ཀྱི་དབྱིངས།། མུ་མཐའ་མེད་པར་དུས་གཅིག་རྫོགས།། བགྲོད་མེད་རིག་པ་ལྷན་རྫོགས་པས།། ལམ་ལྔ་ས་བཅུ་རྟོག་པའི་གྲངས།། མ་བཙལ་རང་བཞིན
11a6 སྤྱན་གྲུབ་པས།། བརྩོལ་བའི་ཐེག་པ་ལོག་པའི་ཆོས།། དུས་གཅིག་རྫོགས་པ་རིམ་པར་མེད།། རང་གསལ་འོད་ལ་རྟག་ཏུ་བཞུགས།། ཏིང་འཛིན་རྣམ་པར་བསྒོམ་དུ་མེད།། འབྲས་བུ་བདག་ཏུ་ལྷུན་གྲུབ་པས།།
iiif viewer powered by OpenSeadragon
