| e-texts navigator |
| Wylie |
10b1 དེ་ནས་ཡང་བཅོམ་ལྡན་འདས་རང་བྱུང་རིག་པའི་རྒྱལ་པོ་ཆོས་ཐམས་ཅད་གཉིས་སུ་མེད་པ་ལས་འདའ་བ་མེད་པ་འདི་གསུངས་སོ།། དུས་གསུམ་རྒྱལ་བ་ཐམས་ཅད་ཀྱི།། རང་བཞག་རིག་པའི་དམ་ཚགས་གསུམ།། རང་བྱུང་རྫོགས་པའི་དམ་ཚགས།། །
10b2 ལ། ཡེ་ནས་རྫོགས་ཏེ་ངོ་བོར་གནས།། རང་བྱུང་རྫོགས་པའི་དམ་མེད་ན།། མཚན་མའི་དམ་ཚིག་ལོག་པའི་ལམ།། མི་འདའ་རྫོགས་པའི་དམ་ཚིག་གསུམ།། ཡེངས་པ་མེད་པར་ཅི་དགར་ཞོག། དུས་གསུམ་རྒྱལ་བས་གསུངས་པའི་སྒོ།།
10b3 འགྲོ་འདུལ་དམ་ཚིག་མཐའ་ཡས་པ།། རྟོགས་པའི་དོན་ལ་གཅིག་ལས་མེད།། འདི་ཡང་མ་བཅོས་རང་བཞག་ལུང་།། རང་བཞིན་གསུམ་དང་ཐིག་ལར་ཅིག། རྒྱས་མ་ཐེབས་པའི་ཆོས་མེད་པས།། སུས་ཀྱང་འདའ་བ་ཡོད་མ་ཡིན།།
10b4 མ་ནོར་སྙིང་པོའི་དམ་ཚིག་ལ།། མ་ཡངས་གསལ་བར་དྲན་པ་ཡིས།། གསལ་བ་མཐར་ཕྱིན་སེམས་དཀྱིལ་འཁོར།། བདེ་མཆོག་ཉམས་ཀྱི་སེམས་ཀྱིས་བསྟན།། ཀུན་འབྱུང་རིག་པའི་དཀྱིལ་འཁོར་ཉིད།། ཡོངས་རྫོགས་མི་འགྱུར་དམ་པའི
10b5 དོན། མི་འདའ་ལེགས་པར་བསྟན་པར་བྱ།། དུས་གསུམ་མི་འགྱུར་སེམས་ཀྱིས་བཟུང་།། དམ་ཚིག་རྡོ་རྗེ་བརྡའ་ཡི་ལུང་།། གདམས་པའི་ཚིག་གིས་གསལ་བར་ཤེས།། ལྷུན་རྫོགས་བདེ་མཆོག་དམ་ཚིག་ལ།། འདའ་མེད་དོ་ན་རྟོགས
10b6 རང་བཞིན་བཞུགས།། དོན་དང་རང་བཞིན་མཚོན་པ་ཉིད།། མ་བཅོས་པ་དང་གོམས་པ་དང་།། མཚན་མའི་སྒྲ་ཡི་དམ་ཚིག་གིས།། རང་གི་དོན་ལ་འདའ་མི་སྲིད།། དམ་པ་རྣམས་ཀྱི་སྙིང་པོ་ཉིད།། དགོངས་པ་རང་བྱུང་རིག་པ་རྫོགས།།
iiif viewer powered by OpenSeadragon
